Bruney futbol assotsiatsiyasining ma’lum qilishicha, Rossiya terma jamoasi bilan o‘tkaziladigan o‘rtoqlik o‘yiniga birinchi jamoa yuborilmaydi.
“Rossiyaga ikkinchi jamoani yuboramiz. Asosiy tarkibdagi ko‘pchilik futbolchilar kela olmaydi. Ular ta’tilda bo‘ladi. Ularda buning uchun bor-yo‘g‘i bitta muddat bor — noyabrda uch hafta, chunki mavsumoldi tayyorgarlik dekabrda boshlanadi. Ikkinchi jamoadagi o‘yinchilarning aksariyati Bruney Qirollik qurolli kuchlariga qarashli “MS ABDB” jamoasidan, ammo armiya shunchaki nom, ular xizmat qilmaydi.
Futbolchilarning deyarli barchasi professional emas. Ya’ni ularning asosiy ishi bor, keyin esa soat 16:30 dan boshlab o‘z klublari tarkibida mashg‘ulotlarga kirishadi. Ayni damda Rossiyaga yo‘l olish uchun futbolchilar saralanmoqda. Futbolchilarining nomlarini yuborishning oxirgi muddati — shanba kuni”, deyiladi xabarda.
Oktyabr oyidagi FIFA tanaffusida Rossiya terma jamoasi Pokiston termasi bilan o‘ynashi kerak edi, biroq raqib o‘rtoqlik uchrashuvidan bosh tortdi. Natijada Valeriy Karpin shogirdlari yig‘inni o‘yinsiz o‘tkazdi.
Ma’lumot uchun, 2022-yilning fevral oyidan boshlab FIFA va UEFA qarori bilan Ukrainadagi vaziyat tufayli Rossiyaning barcha terma jamoalari va klublari xalqaro turnirlardan chetlashtirildi. Shu tariqa Rossiya erkaklar terma jamoasi Qatardagi jahon chempionati va Germaniyada bo‘lib o‘tgan Yevropa chempionatini o‘tkazib yubordi.
Izoh (0)