Rossiya Federatsiyasining Euroclear platformasida muzlatilgan aktivlarini qayta investitsiya qilishdan olingan daromad 2024-yilning to‘qqiz oyi davomida taxminan 5,15 milliard yevroni tashkil etdi.
Bu haqda depozitariyning uchinchi chorak yakunlari bo‘yicha xabarida ma’lum qilindi.
Euroclear aniqlik kiritishicha, Belgiya hukumatiga ushbu mablag‘lardan 1,27 milliard yevro miqdorida soliq to‘langan.
Hisobotda qayd etilishicha, jami depozitar hisobda 176 milliard yevro miqdoridagi Rossiya mablag‘lari saqlanadi.
Avvalroq Yevrokomissiya Rossiya aktivlarini qayta investitsiyalashdan olingan daromadlarni ekspropriatsiya qilish mexanizmi yaratilishini e’lon qilgandi. Unga ko‘ra Kiyevga umumiy qiymati 45 milliard yevrogacha bo‘lgan mablag‘ yo‘naltirilishi ko‘zda tutilgan.
Qayd etilishicha, Rossiya Bryusselning harakatlarini “global o‘g‘irlik” deb atagan va buning uchun javobgarlikdan ogohlantirgandi.
Izoh (0)