Germaniya Eronning mamlakatdagi barcha konsulliklarini yopmoqchi. DPA agentligining xabar berishicha, Eronning Frankfurt-Mayn, Gamburg va Myunxendagi vakolatxonalari yopiladi.
Ma’lum qilinishicha, Eronning Berlindagi elchixonasi faoliyatini davom ettiradi.
Bu qaror Eron fuqaroligi bilan birga Germaniya fuqaroligiga ham ega bo‘lgan Jamshid Sharmahdning Eronda qatl etilishiga javob munosabat bo‘ldi.
Sharmahd 2020-yil 1-avgust kuni Germaniyadan Hindistonga ketayotganda Eron xavfsizlik kuchlari tomonidan o‘g‘irlangan.
67 yoshli Germaniya fuqarosi joriy yilning aprel oyida o‘lim jazosiga hukm qilindi. Sharmahdning yaqinlariga ko‘ra, u so‘nggi bir necha yil davomida AQSHda yashab kelgan.
Eron hukumati uni Eronda terrorchi tashkilotlar ro‘yxatiga kiritilgan “Tondar” muxolifat guruhi rahbari deb biladi. Shuningdek, uni monarxist deb tasniflaydi.
Izoh (0)