Eron xalqaro talablarga zid ravishda, deyarli qurollanish darajasigacha boyitilgan uran zaxiralarini yana bir marta oshirdi. Bu haqda Xalqaro atom energiyasi agentligining (XAEA) maxfiy hisobotiga tayanib, Associated Press xabar berdi.
![](/static/2024/08/30/photo_2024-08-30_09-44-20-Fh0d1Jmq.jpg)
Mutaxassislar ta’kidlashicha, Eron 60 foizgacha boyitilgan 164,7 kilogramm uranga ega. Bu XAEAning may oyidagi dastlabki hisobotidan 22,6 kilogramm ko‘pdir. Eronda boyitilgan uranning umumiy zaxirasi 5751,8 kilogrammni tashkil etadi.
60 foizgacha boyitilgan uran qurol darajasi hisoblangan 90 foizdan atigi qisqa texnik qadam masofasida turadi. MAGATЕ ma’lumotlariga ko‘ra, nazariy jihatdan 60 foizga qadar boyitilgan taxminan 42 kilogramm uran, agar material yanada boyitilib, 90 foizga yetkazilsa, bitta atom bombasini yaratish uchun yetarli bo‘lishi mumkin, deya ta’kidlaydi mutaxassislar.
Atom energiyasi bo‘yicha xalqaro agentlik (MAGATE) bosh direktori Rafael Grossiga ko‘ra, Eron atom bombasini yaratish uchun yetarli miqdordagi boyitilgan uranga ega bo‘lishidan “oylar emas, balki haftalar ichida” turibdi.
Avvalroq ommaviy axborot vositalari Eron yadroviy dasturi harbiy yo‘nalishga ega ekani haqida xabar bergandi. Niderlandiya, Shvetsiya, Germaniya va Daniya razvedka xizmatlarining ma’lumotlari Tehronning yadroviy qurol yaratish rejalari borligidan dalolat beradi.
Izoh (0)