Германия Эроннинг мамлакатдаги барча консулликларини ёпмоқчи. DPA агентлигининг хабар беришича, Эроннинг Франкфурт-Майн, Гамбург ва Мюнхендаги ваколатхоналари ёпилади.
Маълум қилинишича, Эроннинг Берлиндаги элчихонаси фаолиятини давом эттиради.
Бу қарор Эрон фуқаролиги билан бирга Германия фуқаролигига ҳам эга бўлган Жамшид Шармаҳднинг Эронда қатл этилишига жавоб муносабат бўлди.
Шармаҳд 2020 йил 1 август куни Германиядан Ҳиндистонга кетаётганда Эрон хавфсизлик кучлари томонидан ўғирланган.
67 ёшли Германия фуқароси жорий йилнинг апрель ойида ўлим жазосига ҳукм қилинди. Шармаҳднинг яқинларига кўра, у сўнгги бир неча йил давомида АҚШда яшаб келган.
Эрон ҳукумати уни Эронда террорчи ташкилотлар рўйхатига киритилган “Тондар” мухолифат гуруҳи раҳбари деб билади. Шунингдек, уни монархист деб таснифлайди.
Изоҳ (0)