AQSH Eronni Isroilning bugungi zarbasiga javob bermaslikka chaqiradi va yahudiy davlatining bu operatsiyasini ikki tomon o‘rtasidagi harbiy qarama-qarshilikning yakuni, deb hisoblaydi.
Bu haqda Amerika ma’muriyatining yuqori martabali vakili maxsus brifingda aytib o‘tgan.
“Isroil va Eron o‘rtasidagi to‘g‘ridan-to‘g‘ri harbiy zarbalar almashinuviga kelsak, biz haqiqatan ham bu zarbalar almashinuvini yakunlashi kerak, deb hisoblaymiz”, dedi AQSH hukumati ijroiya hokimiyati vakili.
“Aytishim kerakki, biz Yaqin Sharq mintaqasidagi ko‘plab mamlakatlar, jumladan, Eron bilan yaqin aloqada bo‘lgan davlatlardan ham xuddi shunday gaplarni eshitdik”, deya qo‘shimcha qildi amerikalik rasmiy.
U Tehron Isroilning zarbalariga javob berishi mumkinligi haqida signal berganmi yoki yo‘qligini aniqlashtirishdan bosh tortdi. Shu bilan birga, Vashington ma’muriyati vakili Qo‘shma Shtatlar Eron bilan ko‘plab aloqa kanallariga ega ekanligini tasdiqladi. “Bizda Eron bilan to‘g‘ridan-to‘g‘ri va bilvosita ko‘plab aloqa kanallari mavjud”, dedi rasmiy.
Izoh (0)