Eron TIV Isroilning Erondagi bir qancha harbiy markazlarga qarshi harakatlari xalqaro huquq va Birlashgan Millatlar Tashkiloti nizomini ochiqdan ochiq buzish ekanini aytdi.
“Hukumat vakolatli organlari tomonidan bir necha bor ta’kidlanganidek, Eron Islom Respublikasi BMT nizomining 51-moddasida ham o‘z ifodasini topgan qonuniy himoyaga bo‘lgan ajralmas huquqdan kelib chiqib, o‘zini chet el tajovuzkor harakatlaridan himoya qilish huquqi va majburiyatiga ega deb hisoblaydi”, deyiladi Eron TIV bayonotida.
Vazirlik, shuningdek, Isroilning mintaqada davom etayotgan bosqinchilik va noqonuniy harakatlari “AQSH hamda boshqa aksar G‘arb davlatlarining har tomonlama harbiy va siyosiy yordami soyasida” davom etayotganini ta’kidlagan. Eronlik diplomatlar buni mintaqadagi keskinlik va beqarorlikning asosiy sababi deb atagan.
Eron, shuningdek, G‘azo va Livanga qarshi genotsid, urush va tajovuzni to‘xtatish hamda urush boshlashga urinayotgan Isroilni jilovlash uchun xalqaro hamjamiyatni zudlik bilan safarbar qilish zarurligini qo‘shimcha qilgan.
Izoh (0)