2024-yilning yanvar—sentyabr oylarida jami 4,5 mln nafar o‘zbekistonliklar turistik maqsadlarda chet elga borgan. Bu haqda Statistika agentligi xabar berdi.
Ushbu ko‘rsatkich 2023-yilning mos davri bilan solishtirilganda 1,2 mln nafarga yoki 35,8 foizga oshgan.
2024-yilning yanvar—sentyabr oylarida turistik maqsadlarda chet elga ketgan O‘zbekiston fuqarolari mamlakatlar bo‘yicha quyidagicha taqsimlangan:
- Qirg‘iziston Respublikasi – 2,1 mln nafar;
- Tojikiston – 895,1 ming nafar;
- Qozog‘iston – 719,9 ming nafar;
- Rossiya – 222,9 ming nafar;
- Turkiya – 180,9 ming nafar;
- Saudiya Arabistoni – 121,9 ming nafar;
- BAA – 90,3 ming nafar;
- Misr – 32,1 ming nafar;
- Kuvayt – 20 ming nafar;
- Janubiy Koreya – 17,5 ming nafar;
- Boshqa davlatlar – 128,2 ming nafar.
Avvalroq O‘zbekistonga 2024-yilning yanvar—sentyabr oylarida jami 5,7 mln chet el fuqarosi turistik maqsadlarda tashrif buyurgani haqida xabar berilgandi.
Izoh (0)