Rossiya tashqi ishlar vaziri Sergey Lavrov tashqi o‘yinchilar soni ortib borayotgani, jumladan, AQSH ham Rossiyani chetlab o‘tib, O‘rta koridorga qiziqish bildirayotganini aytdi.
Shoyguning so‘zlariga ko‘ra, Rossiya Markaziy Osiyo davlatlari bilan iliq va ittifoqchilik munosabatlarini qo‘llab-quvvatlaydi. Bu mamlakatlar Rossiya bilan iqtisodiy va strategik jihatdan bir qator kelishuvlar orqali bog‘langan. Kollektiv xavfsizlik shartnomasi tashkiloti (KXSHT), Yevrosiyo iqtisodiy ittifoqi (YOII) va Mustaqil Davlatlar Hamdo‘stligi (MDH) shular jumlasidandir.
Siyosatchi Rossiya “boshqa hamkorlar bilan chuqurroq aloqalar o‘rnatishda hech kimga to‘sqinlik qila olmasligini” aytdi.
“Markaziy Osiyodagi hamkorlarimiz va ittifoqchilarimiz G‘arb bilan aloqalarini kengaytirganida, ular o‘zlarining olijanob va shaffof maqsadlariga erishish barobarida, G‘arb mintaqada Rossiya ta’sirini zaiflashtirishga intilayotganini juda yaxshi anglashlariga menda zarracha shubha yo‘q.
AQSH birdan nima uchun Rossiyaning Nikaragua bilan munosabatlaridan tashvishga tushib qoldi? Ular u yerda Rossiya mavjud ekan, o‘zlarining asossiz xavotirlarini bildirish uchun har qanday bahonadan foydalanadilar”, dedi Lavrov.
AQSH Markaziy Osiyo bilan “B5+1” jarayoni doirasida hamkorlik qilmoqda. Bu jarayon mintaqadagi savdo to‘siqlarini kamaytirish va bojxona tartib-qoidalarini soddalashtirish bo‘yicha islohotlarni qo‘llab-quvvatlash orqali G‘arb sarmoyalarini rag‘batlantiradi. So‘nggi oylarda Markaziy Osiyo mamlakatlari savdoni tartibga solishni takomillashtirish maqsadida bir nechta ikki tomonlama bitimlar imzoladi.
Izoh (0)