Amerikalik milliarder Ilon Mask va Rossiya prezidenti Vladimir Putinning muntazam aloqalari haqidagi xabarlar ishonchsiz. Bu haqda Rossiya prezidentining matbuot kotibi Dmitriy Peskov ma’lum qildi.
“Yo‘q, bularning barchasi haqiqatga to‘g‘ri kelmaydi, ya’ni The Wall Street Journal’da chop etilgan xabar mutlaqo yolg‘on ma’lumot. Darhaqiqat, Putin Mask bilan bir marta muloqotda bo‘lgan, bu haqda allaqachon xabar qilingan, bu 2022-yilgacha bo‘lgan. Ular telefon orqali suhbatlashgan”, deydi Peskov.
Uning so‘zlariga ko‘ra, Mask va Putin o‘rtasidagi suhbat tanishuv xarakteriga ega bo‘lib, ular istiqbolli texnologiyalar va kelajak uchun texnologik yechimlar haqida gaplashgan. Peskov mazkur suhbatni o‘rtacha deb baholagan va shundan keyin ular muloqot qilmaganini qo‘shimcha qilgan.
Peskov, shuningdek, Putinning AQSH prezidentligiga nomzod Donald Tramp bilan suhbati haqidagi maʼlumotni ham rad etgan.
The Wall Street Journal avvalroq Putin Mask bilan so‘nggi ikki yil ichida bir necha bor gaplashgani va milliarder Moskvadagi boshqa yuqori martabali amaldorlar, jumladan, prezident shtabi rahbarining birinchi o‘rinbosari Sergey Kiriyenko bilan ham gaplashgani haqida xabar bergan edi.
Izoh (0)