Rossiya tashqi ishlar vaziri Sergey Lavrov AQSHning Ukrainaga qanotli raketalar yetkazib berish rejalariga munosabat bildirdi.
“Amerika Qo'shma Shtatlari Rossiyaning qizil chiziqlari qayerdaligini juda yaxshi biladi, sabrimizni sinashning keragi yo'q”, dedi Sergey Lavrov.
Avvalroq AQSH Ukrainaga F-16 qiruvchi samolyotlari uchun qanotli raketalarni yetkazib bermoqchi ekani haqidagi xabarlar matbuotda paydo bo‘lgandi.
“Amerikaliklar o'zlari uchun belgilagan chegaradan allaqachon oshib bo'lishdi. Ular o‘t bilan o‘ynashishmoqda. Albatta, Zelenskiy buni ko'rib, bilib turibdi. U bundan foydalanmoqda. Sabrimizni sinashmasin. Amerikaliklar sabrimiz chegarasi qayerda ekanini juda yaxshi bilishadi”, dedi Lavrov.
26-avgust kuni Rossiya qo‘shinlari Ukrainaga ommaviy raketa va dronlar bilan hujum qilgani xabar qilingandi.
Ukraina energetika vaziri German Galushenkoning so‘zlariga ko‘ra, hujum maqsadi energetika infratuzilmasi obyektlari bo‘lgan. Kiyevda havo mudofaa kuchlari raketalar va 15 ga yaqin dronni yo‘q qilgan. Vayronagarchilik va jabrlangan shaxslar bo‘lmagan.
Izoh (0)