Toshkent 2024-yilda MDH mamlakatlarining yoshlar poytaxti, Samarqand madaniy poytaxti deb e’lon qilindi, deb xabar bermoqda O‘zA.
Bu haqda MDH tashqi ishlar vazirlari kengashining 14-aprel kuni bo‘lib o‘tgan yig‘ilishi yakunlari bo‘yicha o‘tkazilgan brifingda MDH Bosh kotibi Sergey Lebedev ma’lum qilgan.
Samarqand shahrida o‘tkazilgan ushbu tadbirda O‘zbekiston TIV rahbari Baxtiyor Saidov, Armaniston tashqi ishlar vaziri Ararat Mirzoyan, Belarus tashqi ishlar vaziri Sergey Aleynik, Qirg‘iziston tashqi ishlar vaziri Jeenbek Kulubayev, Qozog‘iston bosh vaziri o‘rinbosari — tashqi ishlar vaziri Murat Nurtleu, Rossiya tashqi ishlar vaziri Sergey Lavrov, Tojikiston tashqi ishlar vaziri Sirojiddin Muhriddin, Ozarbayjon va Turkmaniston tashqi ishlar vaziri o‘rinbosarlari Xalaf Xalafov va Vepa Xadjiev hamda MDH Bosh kotibi Sergey Lebedev ishtirok etdi.
13-aprel kuni Samarqandda Afg‘onistonga qo‘shni davlatlar vazirlarining to‘rtinchi uchrashuvi bo‘lib o‘tgandi. O‘zbekiston raisligida o‘tgan tadbirda Eron, Pokiston, Rossiya, Tojikiston, Turkmaniston va Xitoy tashqi siyosat idoralari rahbarlari ishtirok etdi va tomonlar Afg‘onistondagi mavjud vaziyat, ushbu mamlakatning amaldagi rasmiylari tomonidan jahon hamjamiyatining asosiy talablari — inklyuziv hukumat yaratish, afg‘onistonlik ayollarning mehnat va ta’lim olish imkoniyatini hamda milliy ozchiliklarning huquqlarini ta’minlash kabi asosiy talablarning bajarilishi muhokama qilindi.
Izoh (0)