Россия Ташқи ишлар вазирлиги департамент раҳбари Сергей Лавровнинг 28—29 октябрь кунлари Тошкентга ташрифи қолдирилишини маълум қилди.
Қарор иш жадвалидаги ўзгаришлар билан боғлиқ.
Лавров 26 октябрь куни Ўзбекистон ташқи ишлар вазири Бахтиёр Саидов билан телефон орқали мулоқот қилган. Вазирлик раҳбарлари мамлакатлар “икки давлат раҳбарларининг қарорларини амалга ошириш бўйича фаол қўшма ишларни давом эттириш” ҳамда Россия ва Ўзбекистон ўртасидаги шерикликни мустаҳкамлаш ниятида эканини тасдиқлаган.
Россия Ташқи ишлар вазирлиги вакили Мария Захарова 23 октябрь куни Лавровнинг Ўзбекистонга амалий ташриф билан бориш режалари ҳақида маълум қилган эди. Унинг сўзларига кўра, вазирни Ўзбекистон президенти Шавкат Мирзиёев қабул қилиши, Саидов билан ҳам музокаралар ўтказилиши режалаштирилган.
Музокаралар чоғида, шунингдек, икки давлат ўртасидаги стратегик шерикликни чуқурлаштиришга алоҳида эътибор қаратилиши режалаштирилган.
Изоҳ (0)