Qo‘shma Shtatlar Ukrainadan foydalanib, har qanday holatda ham dunyoda hukmronlikni saqlab qolishga, Rossiyani strategik mag‘lubiyatga uchratishga harakat qilmoqda, deya Rossiya prezidenti Vladimir Putin fikr bildirdi.
“Biz Amerika Qo‘shma Shtatlari har qanday holatda ham o‘zining global harbiy-siyosiy ustunligini saqlab qolishga harakat qilayotganini ko‘rmoqdamiz”, deydi Putin.
Avvalroq Rossiya TIV rahbari Sergey Lavrov tashqi o‘yinchilar soni ortib borayotgani, jumladan, AQSH ham Rossiyani chetlab o‘tib, O‘rta koridorga qiziqish bildirayotganini ma’lum qilgan edi.
Siyosatchi Rossiya “boshqa hamkorlar bilan chuqurroq aloqalar o‘rnatishda hech kimga to‘sqinlik qila olmasligini” ta’kidlagan.
“Markaziy Osiyodagi hamkorlarimiz va ittifoqchilarimiz G‘arb bilan aloqalarini kengaytirganida, ular o‘zlarining olijanob va shaffof maqsadlariga erishish barobarida, G‘arb mintaqada Rossiya ta’sirini zaiflashtirishga intilayotganini juda yaxshi anglashlariga menda zarracha shubha yo‘q.
AQSH birdan nima uchun Rossiyaning Nikaragua bilan munosabatlaridan tashvishga tushib qoldi? Ular u yerda Rossiya mavjud ekan, o‘zlarining asossiz xavotirlarini bildirish uchun har qanday bahonadan foydalanadi”, dedi Lavrov.
Izoh (0)