Amerika Qo‘shma Shtatlari Rossiya Federatsiyasi urushda foydalanish uchun qurol-yarog‘ va jihozlarni qo‘lga kirita olmasligi uchun Rossiyaga qarshi sanksiyalar joriy qildi, deya xabar berdi Politico o‘z manbasiga tayanib.
Uning so‘zlariga ko‘ra, iqtisodiy sanksiyalardan maqsad Rossiya iqtisodiyotini barbod qilish bo‘lmagan.
Materialda aytilishicha, Oq uy Rossiyaning mavjud cheklovlarni chetlab o‘tishiga yo‘l qo‘ymaslik uchun yangi sanksiyalar kiritmoqda. Rasmiyning ta’kidlashicha, Rossiya cheklovlarga moslashishi va undan chiqish yo‘llarini topishi mumkin.
“Shuning uchun biz doimiy ravishda bir necha oyda bir marta sanksiyalar paketini joriy qilish ustida ishlayapmiz”, deb tushuntirdi u.
20-oktyabr kuni AQSH Kongressi Jo Bayden maʼmuriyatini Rossiya neft sanoatiga qarshi sanksiyalarni kuchaytirishga chaqirdi. 22-oktyabr kuni AQSH moliya vazirligi rahbari Janet Yellen Rossiyaga qarshi yangi cheklovlar paketini e’lon qildi. U sanksiyalar nimaga qaratilganiga aniqlik kiritmadi.
Izoh (0)