Kiyev jangarilar otryadi evaziga “Hayat Tahrir ash-Sham” harbiy guruhiga dronlar partiyasini topshirdi. Bu haqda Suriya muxolifatidagi xabardor manbaga tayanib “RIA Novosti” xabar berdi.
“‘Hayat Tahrir ash-Sham’ guruh ichidan tajribali jangarilar va yetakchilarni topshirish evaziga Ukraina tomondan dronlarni oldi”, dedi nashr suhbatdoshi.
Unga ko‘ra, Kiyev tajribali chechen va uyg‘ur yetakchilaridan Ukraina armiyasida jangovar harakatlarda qatnashadigan yollanma askarlardan iborat qurolli guruhlar tuzishni talab qilgan. Qayd etilishicha, Idlib viloyatidagi Suriya—Turkiya chegara hududida Ukraina vakillari va suriyalik jangarilar o‘rtasida uchrashuvlar bo‘lib o‘tmoqda.
Suriyaning “Al-Vatan” nashriga ko‘ra, Ukraina Mudofaa vazirligining Bosh razvedka boshqarmasi rahbari Kirill Budanov “Hayat Tahrir ash-Sham”ning yetakchisi Abu Muhammad Julaniy bilan doimiy aloqada.
“Ular Rossiyaga qarshi jangovar harakatlarda qatnashish uchun jangarilarni yollash masalasini muhokama qilmoqda. Birinchi navbatda, qabul qilish postsovet hududidagi mamlakatlardan kelgan muhojirlar orasida amalga oshirilmoqda, Ukrainaga yuborish uchun tayyorgarlik kamida ikki oydan beri davom etmoqda”, deyiladi xabarda.
Ukraina razvedka xizmati emissarlari Suriyadagi Idlib deeskalatsiya zonasida ekanini, u yerda jangarilarni yollashayotgani haqidagi ma’lumotlarni Rossiya TIV rahbari Sergey Lavrov ham tasdiqlagan.
Izoh (0)