AQSH Rossiya politsiyasining Nikaraguadagi tayyorlov markaziga qarshi sanksiyalar joriy qildi

AQSH 15-may kuni Rossiya politsiyasining Nikaraguagadagi tayyorlov markaziga qarshi sanksiyalar joriy etgan. Bu haqda “TASS” nashri xabar berdi.

Manbada aytilishicha, AQSH hukumati Nikaraguadagi oltin qazib oluvchi ikkita kompaniyaga nisbatan ham sanksiya kiritgan. Mamlakat poytaxti Managuadagi Rossiya politsiyasi tayyorlov markazi ham “qora ro‘yxat”ga kiritilgan.

AQSH Managuadagi Rossiya politsiyasi markazini Nikaragua prezidenti Daniel Ortega repressiyasiga hissa qo‘shishda ayblagan. Antidemokratik kuchlar faollashuvi va hukumatni himoya qilishda omil sifatida baholagan.

Bundan tashqari, AQSH Davlat departamenti 250 nafardan ortiq Nikaragua hukumati amaldorlari, nodavlat shaxslar va ularning yaqin qarindoshlari uchun viza cheklovlarini joriy qilgan. Qora ro‘yxatga ,shuningdek, ko‘plab politsiya xodimlari, prokurorlar, sudyalar va qamoqxona xodimlari kiritilgan.

So‘nggi 6 yilda Nikaraguadagi Rossiya politsiyasi tayyorlov markazi 2000 nafardan ortiq mahalliy politsiya vakillarini qayta tayyorlagan. Tartibot idoralari ishida ko‘maklashgan.