Yevropa Ittifoqi davlatlari Rossiyadan olmos importini taqiqlamoqchi
Rossiyaga qarshi yangi sanksiyalar paketini tayyorlashda YIga a’zo 27 davlatning beshtasi mamlakatdan olmos importini to‘xtatishni taklif qilgan. Bu haqda Reuters xabar bermoqda.
Har qanday sanksiya kiritishda 27 ta davlatning har birini roziligi talab qilinadi. Avvalroq dunyodagi eng yirik olmos savdo markazi Antverpen’ga ega Belgiya bu taklifni rad etgan edi.
Yangi chora-tadbirlar talabi Rossiya prezidenti Vladimir Putin o‘tgan hafta qisman harbiy safarbarlik to‘g‘risida buyruq berib, Ukraina sharqining bir qismini anneksiya qilishga kirishganidan keyin ko‘rib chiqilgan.
Yevropa Komissiyasi shu hafta a’zo davlatlarga qo‘shimcha sanksiyalar bo‘yicha rasmiy taklifni taqdim etishi kutilmoqda.
Polsha, Irlandiya, Litva, Estoniya va Latviya dunyodagi eng yirik olmos ishlab chiqaruvchisi bo‘lgan Rossiyadan olmos importini taqiqlashni taklif qildi.
Jahon olmos markazi Antverpen sanksiyalar biznesni 30 foizga qisqartirishini, bu esa raqib savdo markazlariga foyda keltirishini bildirdi va ularga Rossiya olmosi kerakmi yoki yo‘qligini o‘zlari hal qilishiga ruxsat berilishi kerakligini qo‘shimcha qildi.
Rossiyaga qarshi yangi choralarni tayyorlashda ishtirok etgan Yevropa Ittifoqi rasmiysi va diplomat Belgiya vetosini bekor qilishi mumkinligini aytdi.
Avvalroq Rossiya olmoslarini boshqa davlatlarga maxfiy ravishda sotayotgani haqida xabar berilgandi.
