“Putin Ukrainani qanchalik tez tark etsa, shunchalik uzoq yashaydi” — Zelenskiy

Ukraina prezidenti Vladimir Zelenskiy The Economist nashriga bergan intervyusida Rossiya bilan muzokaraga qaytish haqida gapirdi.

Zelenskiyning so‘zlariga ko‘ra, muzokaralarni boshlash uchun Putin 1991-yilgi chegaralarga qo‘shinlarini olib chiqishi kerak.

“Putinning Ukrainaga qarshi urushdagi mag‘lubiyati allaqachon ayon – u xatosini qanchalik tez tan olib, 1991-yildagi chegaralarga qo‘shinlarni olib chiqsa, u va uning atrofidagilar shunchalik uzoq umr ko‘radi”, — deydi Ukraina rahbari.

Prezident urush qanday yakunlanishi “allaqachon aniq”ligi va Ukraina Rossiyaning ikkinchi bosqinidan o‘zini himoya qilish uchun hududiy yaxlitligini tiklashga intilayotganini ta’kidladi.

“Voqeaning real tasviriga qarashimiz kerak, chunki butun dunyo, Ukrainani nafaqat qo‘llab-quvvatlamoqda, balki diplomatik, iqtisodiy, sanksiya yordamida agressiya uchun tovon to‘lanishi kerakligini ko‘rsatmoqda”, — deydi Zelenskiy.

Shuningdek, u agar Putin Rossiya qo‘shinlarini 1991-yil chegaralariga olib chiqsa, bu holda urush harbiy amaliyotdan diplomatiyaga o‘tishini aytgan. “Tegishli buyruqni faqat Rossiya prezidenti berishi mumkin”, — deya qo‘shimcha qilgan u.

Mavzuga doir:

• “Putin vafot etsa, Ukrainadagi urush tugaydi” — Zelenskiy
•  Zelenskiy Ukrainada “tinchlik o‘rnatilishini tezlashtirish” uchun uchta qadamni taklif qildi
• Zelenskiy ofisi kelajakda Rossiya hujumining oldini olish yo‘lini ma’lum qildi