BRICS mamlakatlari kosmik faoliyatning uzoq muddatli barqarorligini ta’minlash va kosmosda qurol-yarog‘ joylashtirilishining oldini olish tarafdori ekanini ma’lum qildi.
BRICS’ga a’zo davlatlarning “Global teng huquqli rivojlanish va xavfsizlikni ta’minlash uchun ko‘p tomonlamalikni mustahkamlash” Qozon deklaratsiyasi Kreml saytida e’lon qilindi.
“Biz kosmik faoliyatning uzoq muddatli barqarorligini ta’minlash va kosmosda qurollanish poygasining oldini olish hamda kosmosda qurollarni joylashtirishni, shu jumladan, tegishli ko‘p tomonlama huquqiy hujjatni qabul qilish bo‘yicha muzokaralar orqali global xavfsizlikni qo‘llab-quvvatlashimizni yana bir bor tasdiqlaymiz”, deyiladi hujjatda.
Aprel oyida BMT Xavfsizlik kengashining 15 a’zosidan 13 nafari koinotda qurollanish poygasining oldini olishga chaqiruvchi rezolyutsiya uchun ovoz bergan edi. Xitoy betaraf qolgan, Rossiya esa unga veto qo‘ygandi.
Rossiyaning BMTdagi doimiy vakili Vasiliy Nebenzya hujjatni qo‘llab-quvvatlashdan bosh tortishini taqiq nafaqat yadro quroliga, balki oddiy qurollarga ham tegishli bo‘lishi kerakligi bilan izohlagan.
Izoh (0)