BRIKS sammiti munosabati bilan Rossiya prezidenti Vladimir Putin nomidan o‘tkazilgan tantanali ziyofatda dunyo yetakchilari qanday taomlar bilan siylangani ma’lum bo‘ldi. U 23-oktyabr kuni kechqurun Kazan Expo ko‘rgazmasida bo‘lib o‘tdi. Ziyofat avvalida Putin mehmonlarga murojaat qildi.
Qadrli do‘stlar, bugun bu yerda ekanligingiz uchun tashakkur. Xalqlarimizning gullab-yashnashi, o‘zaro hamkorligimizning mustahkamlanishi va barcha ishtirokchilarning salomatligi uchun qadah ko‘tarishni taklif qilaman, deya qisqa murojaatini yakunladi Putin.
Shundan so‘ng sammitga kelgan yetakchilar qadah ko‘tardi. Mehmonlarga tantanali qabulda quyidagi taomlar taklif etildi:
- Kartoshkali “Qistibiy” tatar noni
- Osyotr baliqli chuchvara yoki qo‘ziqorinli varenik;
- Laym sharbati;
- Sabzavot bilan pishirilgan sudak balig‘i yoki sabzavot bilan dimlangan qo‘zichoq boldiri yoki sabzavotli lazanya;
Desert uchun vanilli muzqaymoq bilan olma pirogi yoki shokoladli tort tortilgan. Mehmonlarga alkogolsiz ichimliklar, shuningdek, Krasnodar o‘lkasining eng janubiy uzumzorlaridan keltirilgan sharoblar taklif etilgan. Taomnomalarda vegetarian taomlar alohida belgilangan.
Izoh (0)