Prezident Shavkat Mirziyoyev Qozon shahridagi BRICS sammitida ishtirok etayotgan delegatsiyalar rahbarlarini qutlash marosimida qatnashdi. Bu haqda Prezident matbuot xizmati xabar bermoqda.
“Kazan Ekspo” xalqaro ko‘rgazmalar markazida davlat rahbarini Rossiya Federatsiyasi prezidenti Vladimir Putin kutib oldi. Marosimda bir qator mamlakatlarning davlat va hukumat yetakchilari, xalqaro va mintaqaviy tashkilotlar rahbarlari ham ishtirok etdi.
Tadbirdan so‘ng tantanali qabul marosimi o‘tkazildi.
O‘zbekiston yetakchisi 24-oktyabr kuni “BRICS plyus” formatidagi sammitning yalpi sessiyasida nutq so‘zlaydi.
Avvalroq Shavkat Mirziyoyev Sammit doirasida Hindiston bosh vaziri Narendra Modi va Turkiya prezidenti Rajab Toyyib Erdo‘g‘on bilan uchrashuv o‘tkazgani haqida xabar berilgandi. Shuningdek, u birlashmaning Yangi taraqqiyot banki prezidenti Dilma Rusef va “Sberbank” prezidenti va boshqaruv raisi German Grefni qabul qildi.
Izoh (0)