Хитойда полициячи 2003 йилда фарзандидан айрилган онага тасалли бериш учун 11 йил давомида ўзини кекса эр-хотиннинг ўғлидек кўрсатиб келмоқда, дея South China Morning Post хабар берди.
Шаньси провинциясида яшовчи Ця Чжанхай ва унинг рафиқаси Лянь Цяоинь бахтсиз ҳодисада ўғлини йўқотган. Ушбу айрилиқ аёлнинг соғлиғига катта таъсир кўрсатган, у фалаж бўлиб қолган ва жиддий руҳий муаммоларга дуч келган.
Аёлни тинчлантириш учун турмуш ўртоғи уни ўғли шунчаки бошқа шаҳарда ишлашига ишонтирган. Бир оз вақт ўтгач, эркак телевидениеда Шанхай полицияси зобити Сзян Цзинвейни кўргач у билан боғланади ва ёрдам сўрайди.
Шундан сўнг эр-хотин реалити-шоуга таклиф қилинган, у ерда офицер ўзини биринчи марта уларнинг ўғли деб таништирган. 2016 йилда эркак “ота-онаси”ни Шанхайга таклиф қилган, 2018 йилда эса улар билан бирга Янги йилни нишонлаш учун таътилга чиққан.
Бундан ташқари, у доимий равишда эр-хотинга турли саёҳатларда ҳамроҳлик қилади ва улар билан видеоконференция орқали мулоқот қилади. Полициячининг айтишича, “ота-она”сига ғамхўрлик қилиш унга ҳеч қачон юк бўлмаган, аксинча, мамнуният келтирган.
Изоҳ (0)