Farg‘ona viloyati hokimi Xayrullo Bozorov Xitoyning Henan beston rides Co., Ltd kompaniyasi rahbari An Ji Siyan boshchiligidagi kompaniya vakillarini qabul qildi. Bu haqda viloyat hokimligi matbuot xizmati xabar berdi.
Uchrashuvda xitoylik investorlar bilan Farg‘ona shahri Ekoshahardagi 70 gektarlik “Yangi O‘zbekiston bog‘i”da ko‘ngilochar, zamonaviy istirohat bog‘ini tashkil etish va eng zamonaviy attraksionlarni o‘rnatish masalalari muhokama qilindi.
Mazkur loyihani amalga oshirish bo‘yicha memorandum imzolandi. “Yo‘l xaritasi” ishlab chiqilib, amaliy ishlarga kirishiladi.
Loyiha ikki bosqichda amalga oshiriladi. Birinchi bosqich 2025-yil 1-iyun — Xalqaro bolalarni himoya qilish kunida ishga tushsa, ikkinchi bosqich esa 2026-yilning 1-iyunida foydalanishga topshirilishi rejalashtirilgan.
Loyihaning umumiy qiymati 17 mln dollarni tashkil qiladi.
Izoh (0)