Foto va video: Falastinni qo‘llab-quvvatlash maqsadida London, Nyu-York, Parij va dunyoning boshqa shaharlarida o‘tkazilgan namoyishlar

Isroil—Falastin muammosining so‘nggi yillardagi eng katta keskinlashuvi Falastindagi “Falokat kuni”ga to‘g‘ri keldi, deya xabar bermoqda TJournal.

Isroil va Falastin o‘rtasidagi o‘zaro raketa zarbalari bir haftadan beri tinimsiz davom etmoqda. Nizoning yangitdan keskinlashuvi Sharqiy Quddusdan — u yerdagi Shayx Jarroh mavzesidan bir necha arab oilasini majburiy ko‘chirishdan boshlandi. Bu keyinchalik ommaviy tartibsizliklarga sabab bo‘ldi, HAMAS harakati esa Tel-Avivga raketa zarbasi berdi.

Shundan beri ikki davlat bir-biriga zarba bermoqda: Isroil G‘azodan uchirilgan raketalarning bir qismini “Temir gumbaz” tizimi yordamida tutib qolmoqda, shunga qaramay bu zarbalar Isroilda o‘nlab qurbonlar qayd etilishiga, jumladan, ikki bolaning o‘limiga sabab bo‘ldi. Ayni vaqtda, “RIA Novosti” ma’lumotlariga ko‘ra, G‘azo sektorining o‘zida kamida 188 kishi halok bo‘lgan, ularning 55 nafari bolalardir. SAXAL (Isroil mudofaa armiyasi) HAMAS jangarilari tomonidan foydalanilayotgan obyektlargagina zarba berayotganini ta’kidlab kelmoqda. Jahonning yetakchi OAVlari, xususan, BBC News va Associated Press’ning hududiy bo‘limlari joylashgan binoga berilgan zarba bo‘yicha ham shunday izoh berilgan: Isroil armiyasi bu haqda bino egasini oldindan ogohlantirgan.

Nizoning keskinlashuvi Nakba — “Falokat kuni”ga to‘g‘ri keldi: Falastinda Isroil o‘z mustaqilligini e’lon qilgach, minglab falastinlik oilalar o‘z uyini tark etishga majbur bo‘lgan 1948-yil 15-may voqealariga shunday nom berilgan. Shu kun munosabati bilan jahonning yirik shaharlarida Falastinni qo‘llab-quvvatlash maqsadida namoyishlar bo‘lib o‘tdi.

Ushbu namoyishlarning ayrimlari tinch o‘tgan bo‘lsa, boshqalari politsiya bilan to‘qnashuv ko‘rinishida yakunlandi: Fransiyada politsiya ko‘zdan yosh oqizuvchi gaz va suv otuvchi mashinalardan foydalanishga majbur bo‘lib, namoyishning 50 dan ziyod ishtirokchisini qo‘lga oldi, Londondagi to‘qnashuvlar oqibatida esa to‘qqiz nafar politsiyachi tan jarohati oldi. Germaniyada sinagoga (yahudiylar ibodatxonasi)larga hujumlar uyushtirilgani va Isroil bayroqlari yoqilgani haqida xabarlar bor — Germaniya musulmonlari markaziy kengashi bu xatti-harakatlarni qoralagan.

Parij

https://twitter.com/ybouziar/statuses/1393625370130321408

https://twitter.com/ClementLanot/statuses/1393547393581342726

London

https://twitter.com/ronanburtenshaw/statuses/1393554035677057026

https://twitter.com/CEOofEgypt/statuses/1393646956694618112

https://twitter.com/sahouraxo/statuses/1393602942851174403

https://twitter.com/MrAndyNgo/statuses/1393713270385643524

Nyu-York

https://twitter.com/m3ilina_/statuses/1393569300871401483

Berlin

Madrid

https://twitter.com/theMadridZone/statuses/1393600317246345220

Toronto

Monreal

Sidney

Vashington