Afsonaviy aktyor ishtirokidagi jangari filmlar va suratga olish jarayonida ro‘y bergan qiziqarli holatlar bilan tanishing.
“Sarhush usta”
Jangari, komediya.
Gonkong, 1978 yil
Davomiyligi: 111 daqiqa.
IMDb: 7.6.
Doim ichib yuradigan keksa kung-fu ustasining jasur yigitni jang san’atiga o‘rgatish haqidagi afsonaviy film.
Filmdagi Jeki Channing qahramoni — Xuan Feyxon (Vong-Fei Hung) Xitoy tarixidagi haqiqiy shaxs va hungar deb ataladigan eng mashhur ushu uslublaridan birining asoschisi. 13 yoshida Feyxon zo‘r jangchi hisoblangan va Sinxay inqilobi paytida armiyaga qo‘shilganida, u butun Xitoy bo‘ylab XX asrning Robin Gudi sifatida mashhur bo‘lgan.
Hech bir joyda alkogolning ko‘rsatilgan jang uslubiga ta'siri haqida aytilmagan, Jekining o‘zi esa roliga yaxshiroq kirish uchun spirtli ichimlik ichmagan. Buning o‘rniga mastlik sahnasidan oldin u boshini pastga egib turgan — shunda qon miyaga quyiladi va yuz qizarib ketadi.
“Ko‘chma gazakxona”
Jangari, melodrama, komediya, kriminal.
Gonkong, 1984 yil
Davomiyligi: 108 daqiqa.
IMDb: 7.3.
Ikki xitoylikning Barselona markazida ovqat mashinasida ish boshlagani haqidagi komediya.
Bu kikboksing bo‘yicha ko‘p karra chempion Benni Urkides Jekining asosiy raqiblaridan biri rolini o‘ynagan birinchi filmdir. Suratga olish paytida u haqiqiy zarba beradi, bu final jangini sahnalashtirish jarayonini sezilarli darajada murakkablashtiradi. Biroq bunday tajribaning natijasi kino tarixidagi eng yaxshi janglardan biri bo‘ldi.
Xuddi shu jangda Urkides tasodifan qattiq zarba bilan atrofdagi shamlarni o‘chiradi. Bu rejalashtirilgan kadr emas, balki improvizatsiya edi.
“Politsiya hangomalari”
Jangari, komediya, kriminal.
Gonkong, 1985-yil
Davomiyligi: 106 daqiqa.
IMDb: 7.6.
Gonkonglik super politsiyachi haqidagi birinchi film, u deyarli yakka o‘zi mahalliy narkotik mafiyasining boshlig‘ini qo‘lga olishga muvaffaq bo‘ladi.
Univermag derazasidan sirpanib tushish sahnasini deb Jeki nogiron bo‘lib qolishiga oz qolgan. Ushbu tryukni bajarayotganida kaftlari kuchli kuygan, yettinchi va sakkizinchi umurtqalari singan, shuningdek, tos suyagi chiqib ketgan.
“Politsiya hangomalari-2”
Jangari, triller, komediya, kriminal.
Gonkong, 1988-yil
Davomiyligi: 101 daqiqa.
IMDb: 7.2.
Giyohvandlik mafiyasining boshlig‘i o‘ldirilishi uchun aqldan ozgan qotilni yollagan halol politsiyachi haqidagi hikoyaning davomi.
Film oxirida zavodning portlashi Gonkong kinosi tarixidagi eng yirik portlash bo‘ldi. Rejissorlar sahnalashtirilgan bino emas, balki haqiqiy binodan foydalanishga qaror qilishadi. Binoni ishonarli buzish uchun Amerikadan tajribali pirotexniklar taklif qilingan.
“Shaharlik ovchi”
Jangari, melodrama, komediya.
Gonkong, Yaponiya, 1992-yil
Davomiyligi: 105 daqiqa.
IMDb: 6.5.
Ekssentrik detektiv rolini o‘ynagan Jeki taniqli millionerning o‘g‘irlab ketilgan qizini qutqarish uchun yuboriladi. Jeki Channing mazkur qahramoni yengiltabiat bo‘lishiga qaramay, u bu filmni o‘z faoliyatidagi sevimli filmlaridan biri deb ataydi.
“Men kimman?”
Jangari, komediya, sarguzasht.
Gonkong, 1998-yil
Davomiyligi: 118 daqiqa.
IMDb: 6.8.
Samolyot halokatidan omon qolgan va xotirasini yo‘qotgan maxsus kuchlar guruhi a’zosi o‘zining kimligini va qanday vazifani bajarganini bilishga harakat qiladi.
Filmda Jeki karkidon minadigan sahna bo‘lishi kerak edi. Bu epizod rostan ham suratga olingan, biroq operator xatosi tufayli kadr buzilgan. Aktyorning jarohati tufayli sahnani qayta suratga olishning iloji bo‘lmagan.
Kartina ijodkorlari Mitsubishi kompaniyasi bilan shartnoma imzolagan. Suratga olish uchun eng zo‘r mashinalar ishlatilgan. Ular orasida 1996 yilda chiqarilgan Lancer Evolution IV yangi modeli ham bor edi.
“Tig‘iz vaqt”
Jangari, triller, komediya, kriminal.
AQSh, 1998-yil.
Davomiyligi: 98 daqiqa.
IMDb: 7.0.
Los-Anjelesdagi qaroqchilar Xitoy konsulining qizini o‘g‘irlab ketishadi, Gonkonglik inspektor va g‘alati amerikalik politsiyachi uni qidirmoqda. Dastlab Karter roliga Martin Lourens taklif qilingandi. Ammo keyinchalik Eddi Merfi, Deyv Shappell, Uill Smit va hatto Tupak Shakur ham ko‘rib chiqildi.
Filmning oxiridagi xavfli sirpanish sahnasini Jeki bir nechta jinsi shim kiyib, yumshoq taglik yordamida amalga oshirishga muvaffaq bo‘ldi.
“Shanxaylik shovvoz”
Jangari, komediya, sarguzasht.
AQSh, Gonkong, 2000-yil.
Davomiyligi: 110 daqiqa.
IMDb: 6.6.
O‘g‘irlangan Xitoy malikasini qutqarish uchun imperator oilasining soqchilari Yovvoyi G‘arbga borishlari kerak.
Jekining qahramoni Chon Vong ko‘plab afsonaviy amerikalik vesternlar bilan mashhur bo‘lgan amerikalik aktyor Jon Ueyn nomining xitoycha versiyasidir. Xuddi shu aktyor haqida “Tig‘iz vaqt” filmida ham tilga olinadi.
“Zo‘raki josus”
Jangari, triller, komediya, kriminal, detektiv.
Gonkong, 2000-yil
Davomiyligi: 87 daqiqa.
IMDb: 5.9.
Oddiy sport anjomlari sotuvchisi bir kuni u boy odamning uzoq vaqtdan beri yo‘qolgan o‘g‘li ekanligini va tajribali ayg‘oqchi ekanligini bilib qoladi.
Jeki Chan qariyb 20 yil davomida yuk ko‘targich kranda tryuk bajarishni xohlagan, biroq uni amalga oshirish faqat ushbu filmni suratga olish paytida ro‘yobga chiqqan.
“Ishq sururi”
Jangari, triller, komediya, kriminal.
Gonkong, Tayvan, 1999 yil
Davomiyligi: 96 min.
IMDb: 6.1.
.jpg)
Jeki Chan filmografiyasidagi eng romantik filmlardan biri — filmda hayoti bir qarashda oddiy bo‘lmagan kamtarona millioner rolini o‘ynagan.
Bosh qahramon ko‘p jihatdan Jeki Channing o‘ziga o‘xshaydi. Haqiqiy hayotda ham aktyor halollik g‘oyalariga amal qiladi, aynan bir xil sport mashqlarini bajaradi va hatto personajidek kiyinishni afzal ko‘radi.
Izoh (0)