Miniseriallar qiziqarli hikoyalarni sevuvchi, ammo serial ko‘rishga vaqti yetarli bo‘lmagan insonlar uchun ayni muddao. Quyida so‘nggi yillarda suratga olingan eng boy syujetga ega yangi miniseriallarni taqdim etamiz.
“Aybsizlik prezumpsiyasi”
Yuridik mavzudagi serialda bosh qahramon bo‘lgan prokurorning ishdagi ishqi yaxshilik keltirmaydi. Uning qallig‘i bir kechada qotillik alomatlari bilan vafot etadi. Bu voqea prokurorning hayotini butunlay o‘zgartirib yuboradi. Yolg‘on va tuhmatlarga qolgan qahramon boshi berk ko‘chaga kirib qoladi.
“Pingvin”
“Betmen”ning yovuz qahramonlaridan biri — Pingvinni Kolin Farrell ijro etgan. Tanqidchilar aktyorning ijrosini yuqori baholaydi. Chunki vizajistlar aktyorni tanib bo‘lmas darajada o‘zgartira olgan.
Antagonist obrazini yaratish uchun ularga taxminan 4 soat kerak bo‘lgan. Bora-bora bu jarayon ikki baravar ko‘p vaqtni talab qila boshlagan.
“Akolit”
Yangi serial ijodkorlari birinchi marta “Yulduzlar jangi” olamidagi Respublika yuksalishi davrini ko‘rsatadi. Sithlar o‘sha paytda yo‘q bo‘lib ketish arafasida edi va Jeday ordeni gullab-yashnagan galaktikada tinchlikni saqlab qoladi. Bu vaqtda sirli qotillar qo‘llariga qurol oladi.
“Jentlmenlar”
Tinchlikparvar Endi Horniman (Teo Jeyms) xizmatdan vatani Angliyaga qaytadi, kutilmaganda katta boylik va hashamatli mulk egasi bo‘lgan otasi vafot etadi. Uning vasiyatiga ko‘ra, Dyuk unvoni va katta yer otasidan qoladigan mulkni millionlab funt sterlingga sotishni orzu qilgan katta akasini chetlab o‘tib, Endiga meros bo‘lib o‘tadi. Biroq Endi ham mulkni sota olmaydi, chunki narkomafiya undan kanop fermasi sifatida foydalanmoqda.
“Uch tana masalasi”
Film voqealari zamonaviy Xitoyda bo‘lib o‘tadi, bu yerda bir qancha olimlar insoniyatning ilmiy taraqqiyotini sekinlashtirishga urinayotgan o‘zga sayyoraliklar bilan aloqa o‘rnatishga muvaffaq bo‘ladi. Bosh rollarda Eiza Gonsales, Benedikt Vong va “Taxtlar o‘yini” orqali muxlislarga tanish bo‘lgan Liam Kanningem va Jon Bredli.
“Janob Smit va Smit xonim”
Bred Pitt va Anjelina Joli ijro etgan film deb o‘ylasangiz, adashasiz. Bu 2000-yillardagi film emas, balki yangi serial. Kartinaning asosiy maqsadi tomoshabin kayfiyatini ko‘tarish emas, balki josus juftlikning og‘ir taqdiri haqida o‘ylashga majbur qilishdir. Ha, maxsus agentlar ham odam.
“Barcha tasodiflar tasodif emas”
Ba’zan sodir bo‘layotgan hamma narsada tasodiflar ketma-ketligiga ishonging keladi. Lekin, afsuski har doim ham shunday bo‘lavermaydi. Serial bosh qahramoni kimdir ochgan dahshatli sirni yashiradi. Noma’lum muallif qahramonning shaxsiy hayoti haqida eng mayda tafsilotlargacha kitob yozgan.
“Fallout”
2077-yilda Buyuk urush bo‘lib o‘tadi, bu dunyo butunlay vayron bo‘lishi uchun qancha vaqt kerak, degan savolga aniq javob beradi. Ma’lum bo‘lishicha, buning uchun ikki soat yetarli, bu vaqt ichida AQSH va Xitoy bir-birlariga yadroviy raketalar otgan, natijada dunyo kimsasiz cho‘lga aylanadi. Ammo Yer aholisining bir qismi shunga qaramay, aynan shunday holat uchun qurilgan yerosti boshpanalari tufayli omon qoladi. Chorak asr o‘tgach, omon qolganlar tashqariga chiqib, dunyoni dahshatli holatda ko‘rishadi. Yer sayyorasi juda ko‘p radiatsiyaviy nurlanish va mutantlarga ega bo‘lgan joyga aylanadi.
Izoh (0)