Isroil Vashington ma’muriyatiga quloq soladi, lekin milliy manfaatlaridan kelib chiqib qaror qabul qiladi. Bu haqda Isroil bosh vaziri Binyamin Netanyaxuning AQSH prezidentligiga nomzod Donald Tramp bilan suhbatidan so‘ng tarqatgan bayonotida aytildi.
“Isroil Amerika maʼmuriyatiga quloq soladi, lekin o‘zining milliy manfaatlariga muvofiq qarorlar qabul qiladi”, deyiladi hujjatda.
Avvalroq Tramp Pensilvaniyada o‘z tarafdorlari mitingida Isroil Yaqin Sharqdagi mojaroda o‘z mavqeyini yaxshilaganini, chunki Netanyaxu Amerika yetakchisi Jo Bayden va uning ma’muriyatining ko‘rsatmalariga e’tibor bermasligini aytgan edi. Shuningdek, u Isroil bosh vaziri bilan muloqot qilganini taʼkidlagan.
19-oktyabr kuni Isroil rasmiylari Vashingtondan ikkinchi THAAD raketaga qarshi mudofaa tizimini so‘ragani haqida xabar berilgan edi.
12-kanalning yozishicha, bu raketaga qarshi mudofaa tizimi Eronning kutilayotgan hujumiga qarshi ishlatiladi.
Pentagon rahbari Lloyd Ostin THAAD tizimi va Amerika harbiy xizmatchilarining tegishli guruhini Isroilda joylashtirishga rozi bo‘lgan. AQSH Mudofaa vazirligi bu harakat Isroilga havo hujumidan mudofaa qobiliyatini kuchaytirishga yordam berishini aytgan.
Izoh (0)