1-oktyabr kuni amalga oshirilgan raketa hujumiga javoban Isroilning Eronga zarbasi tez orada boshlanadi.
The Times of Israel nashrining ma’lum qilishicha, bu haqda Isroil Mudofaa vaziri Yoav Galant G‘azo sektorida garovga olinganlarning bir guruh qarindoshlari bilan uchrashuvda aytib o‘tgan.
“Bu aniq va halokatli javob bo‘ladi”, degan Isroil Mudofaa vaziri.
Avvalroq Kan davlat teleradiokompaniyasi Isroil bosh vaziri Binyamin Netanyaxu Galant va boshqa baʼzi muhim vazirlar bilan Eronga hujum parametrlari va vaqti bo‘yicha kelishib olgani, endi esa Isroil Vazirlar Mahkamasining yakuniy maʼqullashi kutilayotgani haqida xabar bergan edi.
1-oktyabr kuni Eron HAMAS, “Hizbulloh” va Islom inqilobi qo‘riqchilari korpusi (Eron qurolli kuchlarining elita bo‘linmalari) rahbariyatidagi asosiy shaxslarning o‘ldirilishiga javoban Isroilga yirik raketa hujumini uyushtirgan edi. Isroil Bosh shtabi hujumga munosib javob berishni va’da qilgan.
Izoh (0)