Isroil harbiy xodimlari Livandagi “Hizbulloh” jangchilarining bazalarini tekshirish paytida Rossiyaning “eng zamonaviy” qurollarini topdi. Bu haqda Isroil bosh vaziri Binyamin Netanyaxu Fransiyaning Le Figaro gazetasiga bergan intervyusida maʼlum qildi.
Netanyaxuning taʼkidlashicha, BMTning 2006-yilgi rezolyutsiyasiga ko‘ra, Isroil va Livan chegarasi yaqinidan oqib o‘tuvchi Letani daryosining janubida faqat Livan armiyasigagina qurol saqlashga ruxsat berilgan.
Shunday bo‘lsa-da, “Hizbulloh” bu hududda yuzlab tunnel va yashirin joylarni qazigan, u yerda yaqinda bir nechta zamonaviy rus qurollarini topdik, deydi Isroil bosh vaziri.
Avvalroq shunga o‘xshash ma’lumot The Washington Post gazetasida e’lon qilingandi. Nashr Isroil rasmiylariga tayanib, Livan janubida armiyaning operatsiyasi davomida Rossiya va Xitoyning tankka qarshi qurollari topilgani haqida xabar bergandi.
Izoh (0)