Livanning “Hizbulloh” guruhi Isroil bosh vaziri Binyamin Netanyaxuning Kesariyadagi shaxsiy qarorgohiga dron bilan hujum uyushtirdi.
“Hujum paytida Netanyaxu va uning rafiqasi Sara qarorgoh tashqarisida bo‘lgan. Hech kim jarohat olmagan”, deya xabar beradi The Times of Israel bosh vazir idorasi xabariga tayanib.
Avvalroq Isroil mudofaa kuchlari matbuot xizmati Livandan Isroilga uchirilgan uchta dron haqida xabar bergandi. Dronlardan ikkitasi Tel-Aviv hududida urib tushirilgan, biri bino ustiga qulagan.
Kecha, 18-oktyabr kuni “Hizbulloh” Isroilga qarshi urushning yangi bosqichi boshlanganini e’lon qilgandi.
“Isroil bilan qarama-qarshilikning yangi va keskinlashuvchi bosqichiga o‘tilishini e’lon qilamiz. Bu yaqin kunlarda voqealar rivojiga ta’sir ko‘rsatadi”, deb va’da bergandi “Hizbulloh”.
Izoh (0)