Falastinda so‘nggi 15 yil ichida birinchi bor parlament va prezidentlik saylovlari bo‘lib o‘tadi. Bu haqda mamlakat prezidenti Mahmud Abbosga tayanib “Korrespondent.net” xabar berdi.
Ta’kidlanishicha, Mahmud Abbos “demokratik saylov jarayonini” boshlash bo‘yicha topshiriq bergan.
“Prezident saylov komissiyasi va barcha davlat apparatlariga mamlakatning barcha shaharlarida demokratik saylov jarayonlarini boshlash topshirig‘ini berdi”, — deyiladi xabarda.
O‘z navbatida Reuters’ning yozishicha, bu orqali amaldagi prezident “uzoq yillik ichki qarama-qarshilikni bartaraf etish” niyatida.
2020-yilning noyabrida Falastin Isroil bilan aloqalarini qayta tiklashi ma’lum bo‘lgandi. Isroil ham o‘z navbatida Falastin bilan yarashish zarurligini ta’kidlab, turli sohalardagi hamkorlikning istiqbollari haqida to‘xtalib o‘tgan edi.
Eslatib o‘tamiz, yanvar oyining oxirlarida AQSh prezidenti Donald Tramp Oq uyda Isroil bosh vaziri Benyamin Netanyaxu bilan chiqish qilib, Falastin—Isroil mojarosini barqarorlashtirish bo‘yicha o‘z rejasini taqdim etgandi. Keyinroq Falastin prezidenti Mahmud Abbos Trampning taklifiga “Quddus sotilmaydi” deya javob qaytargan edi.
Izoh (0)