Livan Sog‘liqni saqlash vazirligining Favqulodda yordam markazi bayonotida aytilishicha, Livan janubida Isroil havo hujumlari natijasida to‘rt nafar tez yordam xizmati xodimi halok bo‘lgan, yana besh nafari yaralangan.
“Isroilning so‘nggi 24 soat ichida uyushtirgan havo hujumlari oqibatida to‘rt nafar tibbiy xodim halok bo‘ldi, besh nafari jarohat oldi”, deyiladi xabarda.
Sog‘liqni saqlash vazirligi ma’lumotiga ko‘ra, Isroil havo kuchlari uchta tez yordam mashinasiga hujum qilgan.
“Sog‘liqni saqlash vazirligi xalqaro hamjamiyatni ushbu dahshatli harbiy jinoyatlarni to‘xtatishga chaqiradi”, deyiladi bayonotda.
Avvalroq Yevropa diplomatiyasi rahbari Josep Borrel BMT Isroil hukumati tomonidan “barcha jabhada” hujumga uchraganini aytgandi.
Josep Borrel, shuningdek, YI kengashi sammit chog‘ida Isroil harbiylarining Livandagi Muvaqqat kuchlar bazasiga (UNIFIL) hujumini qoralashiga umid bildirdi. “U yerda bir necha nafar tinchlikparvar kuchlar yaralangan”, dedi Borrel. BMT tinchlikparvar kuchlarining xabar qilishicha, 13-oktyabr kuni Isroil armiyasi ular qarorgohini tankdan o‘qqa tutgan.
Izoh (0)