Isroil butun Livan bo‘ylab “Hizbulloh”ga hujum qilishni davom ettiradi. Bu haqda Isroil bosh vaziri Binyamin Netanyaxu ma’lum qilgan.
“Biz Livanning barcha hududlarida, jumladan, Bayrutda ‘Hizbulloh’ga shafqatsizlarcha zarba berishda davom etamiz”, dedi Netanyaxu.
Bosh vazirning so‘zlariga ko‘ra, Isroil Eronning “yovuzligi”ga qarshi qiyin kurash olib bormoqda, Eronning maqsadi Isroilni yo‘q qilishdir.
“Biz kurashni davom ettirmoqdamiz, janglar og‘ir kechmoqda, lekin biz ulkan muvaffaqiyatlarga erishmoqdamiz”, deydi bosh vazir.
13-oktyabr kuni kechqurun Isroil armiyasining askarlari mashg‘ulot o‘tkazayotgan bazaga “Hizbulloh” tomonidan uchirilgan dron hujum qilgani xabar berilgandi. Armiya to‘rt nafar askarning o‘limini rasman tasdiqladi. Yana yetti nafar askar og‘ir yaralangan.
Izoh (0)