Eron Atom energiyasi bo‘yicha xalqaro agentlik (MAGATE) va BMTni mamlakatning yadroviy inshootlariga Isroildan kelayotgan tahdidlar haqida xabardor qildi.
Eron Tashqi ishlar vazirligi spikeri Esmoil Bag‘ay ushbu tahdidlarni nomaqbul deb atadi va ular xalqaro huquqqa zid ekanini qayd etdi.
“Eron bu tahdidlarni xalqaro hamjamiyat xavfsizligiga tahdid deb hisoblaydi va shu munosabat bilan Atom energiyasi bo‘yicha xalqaro agentlik va BMT Xavfsizlik kengashiga yozma norozilik bildirdi”, dedi Bag‘ay matbuot anjumanida.
Eron 1-oktyabr kuni Isroilga qarshi 180 ga yaqin raketa uchirgan edi. Washington Post nashrining yozishicha, Isroil bosh vaziri Binyamin Netanyaxu Qo‘shma Shtatlarni armiya bunga javoban Eron harbiy obyektlariga hujum qilishini bildirgan.
Eron Tashqi ishlar vazirligi rahbari Abbos Aragchi mamlakat yadroviy inshootlariga qilingan har qanday hujum “qizil chiziq”ni kesib o‘tish sifatida baholanishidan ogohlantirgan va Eron qo‘mondonligi Isroilga javob zarbasi berish uchun “barcha nishonlarini aniqlab olgani”ni ta’kidlagan.
Izoh (0)