Yevropa ittifoqi Livanga 30 million yevro miqdorida qo‘shimcha gumanitar yordam beradi. Bu haqda Yevrokomissiyaning “X” ijtimoiy tarmog‘idagi xabarida aytilgan.
“Hizbulloh va Isroil o‘rtasidagi mojaro avj olishda davom etar ekan, Yevropa komissiyasi bugun Livandagi eng muhtoj insonlarga yordam berish uchun qo‘shimcha 30 million yevrolik gumanitar yordamini eʼlon qildi”, deyiladi xabarda.
Yevropa ittifoqining qo‘shimcha qilishicha, jami 2024-yilda Yevropa ittifoqi Livanga 104 million yevro miqdorida gumanitar yordam ajratgan.
Isroil mudofaa armiyasi 30-sentyabr kuni tunda Livan bilan chegarada quruqlikdagi operatsiya boshlanganini e’lon qilgan.
Yahudiy armiyasi bayonotiga ko‘ra, Livan janubidagi chegara zonasidagi “Hizbulloh” guruhining obyektlariga qaratilgan “cheklangan operatsiya” boshlangan.
Avvalroq BMT Livandagi gumanitar inqirozni bartaraf etish uchun 400 million dollardan ko'proq mablag' kerakligini ma’lum qilgandi.
Izoh (0)