Ливан Соғлиқни сақлаш вазирлигининг Фавқулодда ёрдам маркази баёнотида айтилишича, Ливан жанубида Исроил ҳаво ҳужумлари натижасида тўрт нафар тез ёрдам хизмати ходими ҳалок бўлган, яна беш нафари яраланган.
“Исроилнинг сўнгги 24 соат ичида уюштирган ҳаво ҳужумлари оқибатида тўрт нафар тиббий ходим ҳалок бўлди, беш нафари жароҳат олди”, дейилади хабарда.
Соғлиқни сақлаш вазирлиги маълумотига кўра, Исроил ҳаво кучлари учта тез ёрдам машинасига ҳужум қилган.
“Соғлиқни сақлаш вазирлиги халқаро ҳамжамиятни ушбу даҳшатли ҳарбий жиноятларни тўхтатишга чақиради”, дейилади баёнотда.
Аввалроқ Европа дипломатияси раҳбари Жосеп Боррель БМТ Исроил ҳукумати томонидан “барча жабҳада” ҳужумга учраганини айтганди.
Жосеп Боррель, шунингдек, ЕИ кенгаши саммит чоғида Исроил ҳарбийларининг Ливандаги Муваққат кучлар базасига (UNIFIL) ҳужумини қоралашига умид билдирди. “У ерда бир неча нафар тинчликпарвар кучлар яраланган”, деди Боррель. БМТ тинчликпарвар кучларининг хабар қилишича, 13 октябрь куни Исроил армияси улар қароргоҳини танкдан ўққа тутган.
Изоҳ (0)