Qirg‘iziston Vazirlar Mahkamasi raisi o‘rinbosari Edil Baysalov Bishkekdagi Qirg‘iziston—Rossiya taʼlim forumida so‘zlagan nutqida so‘nggi 3 yil ichida mamlakat milliy yuksalish davrini boshidan kechirayotganini aytib o‘tdi.
“Darhaqiqat, biz qashshoqlikda yashashga mahkum emasligimiz ma’lum bo‘ldi. Biz allaqachon ko‘nikib qolgandik... Ma’lum bo‘ldiki, biz umuman kambag‘al davlat emas ekanmiz.
Agar davlat rahbariyati, uning atrofidagilar o‘g‘rilik qilmay va boshqalarning ham o‘g‘rilik qilishiga yo‘l qo‘ymay ishlasa, biz kambag‘al va qashshoq davlat emasligimiz oydinlashar ekan.
Biz ko‘p millatli go‘zal diyorimizda juda farovon yashashimiz mumkin. Bizda juda ko‘p tabiiy resurslar bor, albatta, eng asosiy boyligimiz – iqtidorli xalqimiz”, dedi Edil Baysalov.
Izoh (0)