Қирғизистон Вазирлар Маҳкамаси раиси ўринбосари Эдил Байсалов Бишкекдаги Қирғизистон—Россия таълим форумида сўзлаган нутқида сўнгги 3 йил ичида мамлакат миллий юксалиш даврини бошидан кечираётганини айтиб ўтди.
“Дарҳақиқат, биз қашшоқликда яшашга маҳкум эмаслигимиз маълум бўлди. Биз аллақачон кўникиб қолгандик... Маълум бўлдики, биз умуман камбағал давлат эмас эканмиз.
Агар давлат раҳбарияти, унинг атрофидагилар ўғрилик қилмай ва бошқаларнинг ҳам ўғрилик қилишига йўл қўймай ишласа, биз камбағал ва қашшоқ давлат эмаслигимиз ойдинлашар экан.
Биз кўп миллатли гўзал диёримизда жуда фаровон яшашимиз мумкин. Бизда жуда кўп табиий ресурслар бор, албатта, энг асосий бойлигимиз – иқтидорли халқимиз”, деди Эдил Байсалов.
Изоҳ (0)