Toshkent shahriga hokim etib tasdiqlangan Shavkat Umurzoqov, davlat rahbarining Toshkentning qator hududlariga tashrifi, Ichki ishlar vazirligining terrorchilik xurujlari haqida tarqalgan chaqiriqlar yuzasidan xalqqa murojaati — “Daryo” nashri bugun, 3-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Qashqadaryoda 16 yoshli yigit o‘zini osib qo‘ydi
Marhumning onasi o‘g‘li besabab o‘z joniga qasd qilgani, hech kimga nisbatan da’vosi yo‘qligini aytgan.
O‘zbekistonda tadbirkorlik subyektlarining yagona reyestriga qo‘shimcha maʼlumotlar kiritiladi
Vazirlar Mahkamasi bu boradagi tegishli qarorni qabul qildi.
Toshkentda yig‘lagan bolaga qo‘l ko‘targan tarbiyachi ishdan olindi
Hozirda holat Yunusobod tumani prokuraturasi tomonidan o‘rganilmoqda.
O‘zbekistonda 200 dan ortiq ish o‘rni yaratgan tadbirkorlar 2025-yilgacha qator soliqlardan ozod etiladi
Aylanmadan olinadigan soliqni esa yaratilgan yangi ish o‘rinlari soniga qarab bo‘lib to‘lash imkoniyati beriladi.
Toshkentdagi masjidlarda o‘g‘rilik qilgan shaxs ushlanib, jazo tayinlandi
Sud hukmiga ko‘ra, u 6 yilga ozodlikdan mahrum etildi.
O‘zbekiston TIV Damashqdagi Eron konsulligiga uyushtirilgan hujumni keskin qoraladi
Vazirlik hujumni “xalqaro diplomatik huquq asoslari va tamoyillarini eng qo‘pol ravishda buzilishi” deb hisoblaydi.
Shavkat Umurzoqov Toshkent shahar hokimi lavozimiga tasdiqlandi
U 2023-yilning mart oyida Toshkent shahri hokimi vazifasini bajaruvchi etib tayinlangandi.
“Moskva viloyatidagi terakt oqibatida xalqaro vaziyat yanada jiddiy tus olmoqda” — Shavkat Mirziyoyev
Prezident bunday sharoitda aholi daromadlariga salbiy taʼsirni kamaytirish eng muhim vazifalardan biri ekanini taʼkidladi.
Sergeli tumani sudyasi jinoiy javobgarlikka tortiladi
Sudyalar oliy kengashining xulosasi bilan uning sudyalik vakolati to‘xtatilgan.
Toshkent shahar hokimligini qo‘riqlash uchun 3,3 milliard so‘m sarflanadi
Avtomobillar yonilg‘i xarajatlariga 690 million so‘m ajratiladi.
Toshkentning Amir Temur shoh ko‘chasidagi davlat idoralari o‘rniga tadbirkorlar uchun binolar qurilishi mumkin
Qayd etilishicha, bu tadbirkorlar va ish o‘rinlari sonini ko‘paytirishga yordam beradi.
O‘zbekistonda ish o‘rni yaratgan tadbirkorga bankdan olgan kredit foizi tushirib borilishi kutilmoqda
Hokim yordamchilari esa ishsizlarni tadbirkorning talabi asosida o‘qitadi.
Toshkentdagi yirik bozorlar ko‘p qavatli qilib qayta qurilishi mumkin
Prezident yer o‘ta cheklangan sharoitda bor infratuzilmani vertikal o‘stirish orqali sanoat va savdoni rivojlantirish zarurligini aytdi.
O‘zbekistonda ayrim o‘qituvchilarga 100 foiz miqdorida har oylik qo‘shimcha ustama to‘lanadi
Maktablarda fanlarni chet tilida o‘qitish amaliyoti joriy etiladi.
Buxoroda sevgan qiziga kutilmagan sovg‘a qilmoqchi bo‘lgan vayner jarimaga tortildi (video)
Mazkur video uning ijtimoiy tarmoqdagi sahifasiga joylangan.
Shavkat Mirziyoyev Toshkentdagi maktabda direktorlar kengashi a’zolari bilan suhbatlashdi (foto)
Prezident maktab to‘garaklaridagi sharoitlarni ko‘zdan kechirdi.
Prezident umumiy taʼlim tizimi bilan musiqa taʼlimi dasturlarini uyg‘unlashtirish muhimligini aytdi
Shavkat Mirziyoyev Toshkent shahridagi 1-bolalar musiqa va sanʼat maktabini ko‘zdan kechirdi.
O‘zbekiston byudjeti uchun og‘ir kelgan 2023-yil: hududlar daromad va xarajatlari qancha bo‘ldi?
Eng katta byudjet taqchilligi Qashqadaryoda kuzatilgan.
IIV terrorchilik xurujlari haqida tarqalgan chaqiriqlar yuzasidan xalqqa murojaat qildi
Oxirgi vaqtlarda O‘zbekiston hamda qo‘shni davlatlar fuqarolariga ijtimoiy tarmoqlar orqali pul mukofoti evaziga jamoat joylarini minalashtirish taklif qilingan xabarlar kelib tushmoqda.
“Biz xorijiy sayyohlarni buyuk tariximiz bilan ko‘proq jalb etishimiz mumkin” — prezident
Shavkat Mirziyoyev Shayxontohur tumanidagi “Gulbozor” mahallasida bo‘ldi.
Shavkat Mirziyoyev Yangi Toshkent shahrining ilk inshootlari qurilishini boshlash marosimida ishtirok etdi
“Yangi Toshkent shahri nafaqat yurtimiz, balki mintaqamizda ham ilm-maʼrifat va madaniyat markaziga aylanishiga ishonaman”, — dedi prezident.
Aqto‘beda sodir bo‘lgan YTH oqibatida 8 nafar O‘zbekiston fuqarosi vafot etdi
Baxtsiz hodisada vafot etganlarni Mudofaa vazirligining maxsus havo borti orqali vatanga olib kelish bo‘yicha hukumat komissiyasi tuzildi.
Izoh (0)