Toshkent metrosiga yana to‘rt vagonli ikkita yangi metro poyezdlari olib kelindi, deb xabar bermoqda Toshkent metropoliteni matbuot xizmati.
Ma’lum qilinishicha, yo‘nalishlardagi vaqt intervallarini yanada qisqartirish maqsadida, ushbu harakat tarkiblari belgilan yo‘riqnomaga asosan 8-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi.
25-fevral kuni to‘rt vagonli yangi 3 ta metro harakat tarkibi olib kelingandi. Xabarda aytilishicha, 2024-yil may oyida yana 3 ta metro poyezdi olib kelinishi rejalangan. Bu rejaviy ishlar natijasida metro vagon parklarini yangilash va belgilangan vaqt intervallarini yanada qisqartishga erishish maqsad qilingan.
Izoh (0)