Президентнинг Жиззах вилоятига ташрифи, Рамазон ҳайити эълон қилиниши, Тошкент метроси учун олиб келинган иккита янги поезд — “Дарё” нашри бугун, 8 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
“Бундай хабарлар манфаатдор инсонлар томонидан сиздирилади”. Ўзбекистонда шакар нархи ошиши рад этилди
Россия томонидан шакар экспортини чеклаш Ўзбекистоннинг ички бозорида танқисликни келтириб чиқармайди.
Тошкент метроси учун яна иккита янги поезд олиб келинди
Улар 8-10 кун техник синовдан ўтказилгач, йўналишларга чиқарилади.
Ўзбекистоннинг олтин-валюта захиралари салкам 2 млрд долларга ошди
1 март ҳолатига кўра, мамлакат олтин-валюта захиралари ҳажми 34,19 млрд долларни ташкил этди.
Андижондаги тиббиёт бирлашмасининг УТТ хонасига ўрнатилган кузатув камераси бўйича изоҳ берилди (видео)
Вилоят соғлиқни сақлаш бошқармаси бу ҳолатга йўл қўйган масъулларга нисбатан қандай жазо қўлланилганини маълум қилмаган.
Ўзбекистонда Ҳайит байрами кунлари қандай об-ҳаво бўлиши маълум қилинди
Ҳафта давомида беқарор об-ҳаво бўлиши кутилмоқда.
Наманганда 40 кун давомида халқаро гуллар фестивали бўлиб ўтади
Фестивал доирасида турли кўнгилочар тадбирлар, кўрик-танловлар ҳам ўтказилади.
Ўзбекистонга 2017—2023 йилларда олиб кирилган капитал миқдори маълум бўлди
Шу йиллар давомида Ўзбекистонга 1 квадриллион 460 триллион сўмдан ортиқ капитал олиб кирилган.
Ўзбекистонда Рамазон ҳайити 10 апрель куни нишонланади
Мусулмонлар идораси Уламолар Кенгаши фиқҳий қоидалар, фалакий ҳисоб-китоблар ва астрономик кузатишларга таяниб, шундай қарорга келди.
Ҳайит байрами кунлари Тошкент метросининг иш вақти маълум қилинди
Байрам куни метрополитен ўз фаолиятини одатдагидан 1 соат олдин бошлайди.
“Фуқароларнинг ҳаёти ва соғлиғига реал хавф туғдирмоқда” — Сенат 300 та автобус техник синовдан ўтказилмасдан йўловчиларга хизмат қилаётганини маълум қилди
Автобусларда инсон саломатлиги ва ҳаёти билан боғлиқ бахтсиз ҳодисаларнинг олдини олиш, газ баллонларини техник синовдан ўтказиш юзасидан Сенат сўрови юборилган.
Ўзбекистонликлар Рамазон ҳайити муносабати билан кетма-кет 3 кун дам олади
Хусусан, 11 апрель — барча учун қўшимча дам олиш куни бўлади.
Тошкентда диний экстремизм ва терроризмга қарши тезкор тадбирлар ўтказилмоқда — пойтахт ИИББ
Куни кеча фуқароларнинг хонадонларида 45 та тинтув тергов ҳаракатлари ўтказилган.
Шавкат Мирзиёев Форишдаги базалтга ишлов берадиган корхонани бориб кўрди (видео)
Президент Жиззах вилоятига ташрифни ушбу корхонани кўздан кечиришдан бошлади.
Жиззахда қурилаётган уйларни имтиёзли кредитга олиш мумкин бўлади
Шароф Рашидов туманида қурилаётган “Янги Ўзбекистон” массивини бориб кўрган президент тегишли кўрсатмалар берди.
Шавкат Мирзиёев Шароф Рашидов туманидаги оила хонадонида бўлди (фото, видео)
“Шу оддий хонадон мисолида кўряпмизки, оиланинг ўзида ҳаракат бўлса, яхши даромад топса бўлади”, — дейди президент.
Enter Engineering ишчилар тўполонига муносабатида февраль учун ҳам маош тўланганини билдирди. Ходимлар эса бу ёлғонлигини айтмоқда
“Бу ёлғон, шунчаки вазиятдан чиқиш учун айтилаётган маълумот. Бизда 2023 йилнинг ноябрь ойи учун ҳам маош олмаганлар бор. 2024 йилнинг январь, февралини гапирмасак ҳам бўлади”, — дейди бу ҳақда таҳририятга гапирган суҳбатдош.
Ўзбекистонда “Ташаббусли бюджет”да энг кўп овоз йиғган ҳудуд маълум бўлди
Жами 2,5 мингдан зиёд лойиҳа ғолиб деб топилган.
Шавкат Мирзиёев Жиззахдаги автомобиль заводи фаолияти билан танишди (фото)
Ўзбекистон автомобиль бозорининг 17 фоизини шу заводда ишлаб чиқарилган машиналар ташкил қилади.
Тошкентда ҳайит куни автобуслар ҳам бир соат олдин иш бошлайди
Дам олиш кунлари иш якшанба кунлари учун тасдиқланган жадваллар асосида ташкил этилади.
Зарардан “боши” чиқмаётган бозор. Тошкентдаги “Олой” деҳқон бозори” топган фойдасини ўтган йиллардаги зарарларни қоплашга сарфлаяптими?
Бозор охирги 7 йилда кўрган фойдаларини аввалги даврлардаги зарарларини қоплашга йўналтирган.
Жиззахда 6,1 млрд долларлик лойиҳалар амалга оширилади
Шавкат Мирзиёевга Жиззах вилоятида амалга оширилиши режалаштирилган инвестиция лойиҳалари тақдимот қилинди.
Жазо муддатини ўтаётган ҳамда қилмишига чин кўнгилдан пушаймон бўлган 426 нафар шахс афв этилди
Афв этилган шахсларнинг 135 нафари асосий жазодан тўлиқ озод этилди, 200 нафари жазони ўташдан муддатидан илгари шартли озод қилинди.
Президент Жиззахдаги саноат ва энергетика соҳаларидаги янги лойиҳалар қурилишини бошлаб берди
Яқин йилларда Шароф Рашидов, Фориш ва Ғаллаорол туманларида яна 1 660 мегаваттли иссиқлик, шамол ва қуёш электр станциялари ҳам қурилади.
Ўзбекистонда Рамазон ҳайити намозини ўқиш вақтлари маълум қилинди
Тошкент шаҳрида ҳайит намози соат 06:10 да ўқилади.
Ўзбекистоннинг олтита ҳудудида қор кўчиш хавфи эълон қилинди
Бунга 9-15 апрель кунлари кутилаётган ёғингарчилик ҳамда ҳаво ҳароратининг ўзгаришлари сабаб бўлади.
Президент “BMB Holding” компаниясининг Жиззахдаги агрологистика мажмуасини бориб кўрди
Давлат раҳбари корхонадаги иш жараёнини ва экспортга тайёр маҳсулотларни кўздан кечирди.
Президент: “Энг муҳим ютуқ — ёшларимизнинг ҳаракати, нияти, ўзига ишончи”
Шавкат Мирзиёев Жиззах шаҳрида барпо этилган Киберспорт аренасида ёшлар билан учрашди.
Изоҳ (0)