Toshkentda bo‘lib o‘tadigan konsertlarga kirish qanchaga tushadi?

Toshkentda konsertlar mavsumi boshlanmoqda. Xo‘sh, yaqin oylarda qaysi xonandalar konsert beradi hamda ularning chipta narxlari qancha?

Jasmin

Xonanda Jasmin 6-7-sentyabr kunlari “Meni sev” nomli ilk konsertini “Xalqlar do‘stligi” saroyida muxlislari e’tiboriga taqdim etadi. Jonli ijroda o‘tadigan konsert chiptalari 40 ming so‘mdan 600 ming so‘mgacha baholangan.

Feruza Jumaniyozova

8—10-sentyabr kunlari “Xalqlar do‘stligi” san’at saroyida Feruza Jumaniyozovaning “Sog‘inganlarim” nomli 18 yil kutilgan konserti bo‘lib o‘tadi. Chiptalar 60 ming so‘mdan 400 ming so‘mgacha xarid qilishingiz mumkin. Konsertda jonli ijro va fonogrammadan foydalaniladi.

“Oltin kuz navolari”

21-sentyabr kuni Nilufar Usmonova, Dilnoz Hakimova, Ziyoda, Shohruxxon va boshqa san’atkorlar ishtirokida “Oltin kuz navolari” deb nomlangan gala konsert bo‘lib o‘tadi. Chiptalar 50 ming so‘mdan 400 ming so‘mgacha sotilmoqda.

Lola

Navbatdagi shousiga noodatiy bilan tayyorgarlik ko‘rayotgan Lola 26—30-sentyabr kunlari “O‘zicha” nomli konsertini taqdim etadi. Besh kunlik jonli ijrodagi tadbir chiptalarining narxi 80 ming so‘mdan 1 million so‘mgacha.

Shohrux Ergashev

Yosh xonanda Shohrux Ergashev 6-7-oktyabr kunlari “Xalqlar do‘stligi” saroyida jonli ijroda ilk bor yakkaxon konsertini o‘tkazadi. Chiptalarni 40 ming so‘mdan 400 ming so‘mgacha sotib olishingiz mumkin.

G‘aybulla Tursunov

Qo‘shiqlari ketma-ket hit darajasiga ko‘tarilgan xonanda G‘aybulla Tursunovning “Shunchaki” nomli konserti 11-oktyabrda “Alpomish” muz saroyida bo‘lib o‘tadi. Jonli ijrodagi tadbir chiptalarining narxi 200 ming so‘mdan 450 ming so‘mgacha.

Alisher Ro‘zmetov

Xonanda Alisher Ro‘zmetov 11-12-oktyabr kuni “Xalqlar do‘stligi” san’at saroyida konsert dasturini taqdim etyapti. Chiptalar onlayn va oflayn sotuvda 50 ming so‘mdan 450 minggacha sotib olishingiz mumkin.

Dilnoz Hakimova

Dilnoz Hakimova 14-15-oktyabrda “Xalqlar do‘stligi” saroyida jonli ijrodagi navbatdagi konsertini taqdim etadi. Tadbir chiptalari 50 ming so‘mdan 600 ming so‘mgacha belgilangan.

Vohidjon Isoqov

Vohidjon Isoqov bir necha yillik tanaffusdan so‘ng 19-20-oktyabr kunlari “Xalqlar do‘stligi” sahnasida kuylaydi. Konsert chiptalarini 40 ming so‘mdan 300 ming so‘mgacha xarid qilishingiz mumkin. Qo‘shiqlar fonogramma orqali ijro etiladi.

Shohrux reper

Reper Shohrux 1-noyabrda “Davom etamiz” nomli jonli ijrodagi konsertini “Humo Arena” saroyida muxlislariga taqdim etadi. Chiptalar 180 mingdan 750 ming so‘mgacha sotilmoqda.

Jah Khalib

Qozog‘istonlik xonanda Jah Khalib 22-noyabrda Toshkentga kelib, “Humo Arena” muz saroyida jonli ijroda yakkaxon konsertini taqdim etadi. Tadbir chiptalari 400 ming so‘mdan 630 ming so‘mgacha baholangan.

Nilufar Usmonova

Nilufar Usmonovaning 22—26 noyabr kunlari “Xalqlar do‘stligi” saroyida jonli ijrodagi konserti bo‘lib o‘tadi. Chiptalarni 100 ming so‘mdan 300 ming so‘mgacha xarid qilishingiz mumkin.