Avstriyada neyrojarroh 12 yoshli qizini oldindan tayyorlab, steril kiyim kiydirgan holda, haqiqiy operatsiyada qatnashishiga ruxsat berdi. Bu haqda Kronen Zeitung xabar berdi.
Jarroh Grats shahridagi shifoxonada faoliyat olib borgan. U qiziga 33 yoshli fermerning boshida teshik ochishga imkon bergan. Fermer daraxt tushib ketishi oqibatida boshidan og‘ir jarohat olgan edi. Ona bu voqea haqida keyinchalik shifoxona xodimlariga o‘zi ma’lum qilgan.
Bemor bu holatni bir necha oydan so‘ng bilib qolgan. Xabar qisqa vaqt ichida tor tibbiy doiradan chiqib, gazeta sahifalarida ham yoritilgan. Shundan so‘ng bemor advokat Peter Fraybergerga murojaat qilgan va u hozirda fermerning manfaatlarini himoya qilmoqda.
Men bu shov-shuvli voqea haqida eshitgan edim, lekin o‘sha bemor men bo‘lishimni xayolimga ham keltirmagan edim. O‘zimni tajriba quyonidek his qilyapman, deydi erkak.
Ta’kidlanishicha, neyrojarroh va operatsiya o‘tkazgan jarrohga nisbatan jinoiy ish qo‘zg‘atilgan. Ular bemorga tan jarohati yetkazishda ayblanmoqda. Qolgan besh nafar jarrohdan iborat guruh esa ishda qatnashmagan. Shifoxonaning o‘ziga nisbatan tergov jarayoni hozircha davom etmoqda.
Izoh (0)