Kickstarter — ижодий лойиҳалар учун оммавий молиялаш платформасида PixelМug P1 номли янги кружка лойиҳаси пайдо бўлди ва белгиланган 12 882 доллар ўрнига 82 минг доллардан ортиқ маблағ тўплади. Бу ҳақда Hi-tech.mail.ru хабар бермоқда.
PixelМуг стартапига кўра, ушбу маҳсулот сунъий интеллект ва пиксел дисплейга эга дунёдаги биринчи кружка ҳисобланади. Дисплей ичимликнинг ҳарорати, об-ҳаво маълумотлари ва миниўйинларни акс эттириш учун ишлатилади.
Махсус мобил илова ёрдамида кружканинг экрани исталган фотони кўрсатиши мумкин. Сурат сунъий интеллект ёрдамида пиксел форматига айлантирилади. Шунингдек, кружкада режалаштирилган учрашувлар бўйича эслатмалар, смартфонга келган турли SMS хабарлар ва бошқа фойдали маълумотларни акс эттиришга мўлжалланган.
Гаджетнинг яна бир қизиқарли функцияси бу миниўйинларни ўйнаш имконияти бўлиб, сенсорли бошқарув тизими ёрдамида фойдаланувчилар исталган жойда ва вақтда ўйин ўйнашлари мумкин.
Кружканинг ўзи икки қаватли ва юқори чидамли чинни технологияси асосида ишлаб чиқарилган бўлиб, нафис ва минималистик дизайнга эга. IPX7 сувга чидамлилик стандартига эга ва турли тозаловчи воситалар билан осонгина ювилади. Уни ҳатто идиш ювиш машинасига ҳам солиш мумкин.
PixelМug P1 нинг нархи 59 доллардан бошланади. Kickstarter платформасида сотувлар 2025 йил май ойида бошлаб йўлга қўйилади.
Изоҳ (0)