Apple компанияси Американинг спорт бренди Аlo Yoga билан ҳамкорликда Beats Fit Pro қулоқчинларининг янги версиясини тақдим этди. 4 апрелдан бошлаб мазкур қулоқчинларни Apple ва Аlo Yoga расмий сайтларида Black Sparklе рангида 200 долларга харид қилиш мумкин.
Ушбу модель Beats Fit Pro’нинг оддий версиясидан фарқ қилмайди. Янги маҳсулот H1 процессори, шовқинни камайтириш тизими ва “шаффоф” режимга эга.
Шунингдек, Beats Fit Pro бош ҳаракатини кузатиш, IPX4 стандартига кўра намликдан сақловчи ҳимоя функциясига эга. Гаджет жисмоний машғулотлар пайтида қулоқчинларни қулоқда маҳкам ушлаб турадиган мосламага ҳам эга.
Beats Fit Pro қулоқчинлари нафақат iPhone эгалари учун, балки Android фойдаланувчилари учун ҳам мос келади.
Қулоқчинлар қувватланмасдан 7 соат давомида узлуксиз ишлаши мумкин, кейсдан фойдаланганда эса унинг ишлаш муддати 30 соатгача етади.
Изоҳ (0)