Нима учун робот чангютгичлар қўлда тозалашнинг ўрнини боса олмайди?

Робот чангютгич — полни автоматик равишда тозалашга мўлжалланган электрон қурилма бўлиб, сенсорлар ёрдамида хоналарни сканерлаш, тозалаш жараёнини режалаштириш ва уйда тўпланган чанг ва бошқа ифлосликларни тозалаш вазифасини бажаради. Робот чангютгичларнинг аксарияти махсус иловалар орқали бошқарилади ва фойдаланувчиларга вақтни тежаш имконини беради.

Бугунги кунда робот чангютгичларнинг хилма-хил вариантлари, жумладан, қуруқ тозалаш ва нам тозалаш функцияларига эга турлари мавжуд. Бундай гаджетлар кундалик супуриш ва полларни артиш вазифасини ўз зиммасига олади ва тозаликни доимий сақлаб туришда ёрдам беради.

Бироқ робот чангютгичларга барча ишни топшириб қўйиш ярамайди, чунки улар қўлда ўзимиз тозалагандек уйларни саранжом қилмайди. Қуйида ушбу гаджетларнинг имкониятлари ва уларни қўллашдаги муаммоларни батафсил кўриб чиқамиз.

Тўсиқлар ва мебеллар

Арзонроқ версиядаги робот чангютгичлар 2 см баландликдаги эшик остонасидан ўта олмайди ёки телевизор остидаги мебел тагини тозалай олмайди. Аммо яқин келажакда бу муаммо ўз ечимини топиши мумкин: CEС-2025 технологиялар кўргазмасига Робороcк Сарос 10 ва Дреаме Х50 Ултра русумли иккита янги робот чангютгичлар олиб келинди, улар лиДАР функцияси орқали тор жойлардан ўтиш имкониятига эга бўлади ҳамда махсус оёқ механизми билан 2 см ва 4 см баландликдаги остоналардан ўта олади.

Девор бурчаклари ва хонанинг чекка қисмлари

Ҳозирги ишлаб чиқариладиган робот чангютгичларнинг аксарияти доира шаклида, чунки у турли жойда осон ҳаракатланиш имконини беради. Аммо плинтуслар ва бурчакларни яхши тозаламайди.

Гарчи кенг тарқалган бўлмаса ҳам, квадрат ёки Д-шаклидаги моделлар ҳам мавжуд. Улар бурчакларни яхши тозалайди, лекин бунинг учун стулларни кўтариш ёки бошқа жойга олиб қўйиш қўйиш керак бўлади.

Бундан ташқари, кучли оқим билан бурчакдаги чангни тортадиган ён томонида чўткалар ўрнатилган чангютгичлар ҳам мавжуд. Улар корпусдан ажралиб, керакли жойларга етиб боради ва кичик бурчакларни ҳам яхши тозалайди. Бундай технологиялар Робороcк, Дреаме, Эcоваcс ва иРобот каби ишлаб чиқарувчиларда мавжуд.

Қотиб қолган доғлар

Нам тозалаш функцияли робот чангютгичлар, одатда, уйларни фақат чанг ва ахлатдан тозалаш билан чекланмай, нам ювиш имкониятини беради. Бундай робот чангютгичларда махсус сувни сақловчи контейнер ва микрофибрали мато билан ишлайдиган ювиш панели мавжуд. Аммо у қотиб қолган ва эски доғларни тозалаб бермайди.

Гиламларни тозалаш

Робот чангютгичлар стандарт чангютгичларга қараганда сўриб олиш энергияси анча камроқ. Бу эса қуйидаги муаммоларга сабаб бўлади:

• Тозалаш учун куч етишмаслиги: Робот чангютгичлар, айниқса, қалин гилам устидаги чанг ва ифлосликларни самарали йиғиб олмайди;.
• Сенсорларнинг адашиши: Гиламнинг турини аниқлашда робот чангютгичларнинг сенсорлари баъзан нотўғри ишлаши мумкин

Робот чангютгичлар самарадорлигини қандай ошириш мумкин?

Энг оддий маслаҳат мазкур техниканинг энг замонавий ва қуввати баланд моделини сотиб олишдир. Уларнинг бир нечта афзалликлари бўлиб, тозалаш ишларини анча осонлаштиради ва самарали бўлишига хизмат қилади. Жумладан, Замонавий флагман робот чангютгичлар кучли мотор ва инновацион ютиш технологиялари билан жиҳозланган бўлади. шунингдек улар автоматик тарзда турли режимларни созлаш имкониятига эга бўлиб, чиқиндиларни автоматик йиғади, филтрни тозалайди ва бир ойда бир мартагина филтрни қўлда алмаштириш имконини беради.

Шунингдек, робот чангутгичнинг самарадорлигини ошириш учун қуйидаги тавсиялар фойдали бўлиши мумкин:

• Режимларни тўғри танлаш: Ҳар бир хонада турли режимлар бўлиши мумкин. Мисол учун, юқори режимни фақат кир кўп бўлган ҳудудларда ишлатиш, энергия сарфини камайтиради ва самарадорликни оширади.
• Тозаланадиган жойларни тўғри тайёрлаш: Агар ерда турли тўсиқлар ёки кабеллар бўлса, роботнинг ҳаракатини чеклаб қўймаслик учун уларни олдиндан олиб ташланг.
• Қурилмани мунтазам тозалаш: Роботда тўпланган чангни тозалаш ичини текшириб туриш жуда муҳим.
• Батареяни тўғри ишлатиш: Роботнинг батареясини тўлиқ заряд олгач, уни олиб ташлаш муҳим.
• Кундалик жадвални созлаш: Агар сиз роботни аниқ вақтлар бўйича ишга туширишни хоҳласангиз, унинг иш жадвалини яратиш мумкин. Бу, айниқса, ҳар куни бир хил вақтда тозалаш зарур бўлган жойлар учун фойдалидир.