TikTok уйқу сифатини яхшилашга ёрдам берадиган медитация машқларини синаб кўрмоқда. Масалан, 16 ёшдан кичик болаларга соат 22:00 дан кейин тинчлантирувчи мусиқа билан билдиришнома юборилади, деб ёзмоқда Fortune нашри.
TikTok янги ота-она назорати воситаларини эълон қилди. Улар орасида ота-оналарга фарзандининг обуналари ва обуначиларини кўриш, шунингдек, куннинг маълум вақтларида, масалан, кечаси ёки ўқиш пайтида иловадан фойдаланишни чеклаш имконини берувчи функциялар мавжуд. Бунинг учун махсус жадвал тузиш мумкин.
16 ёшдан кичик болаларга соат 22:00 дан кейин бутун экранни қоплайдиган тинчлантирувчи мусиқа билан билдиришнома келади. Уни рад этиш мумкин, аммо кейин такрорий билдиришнома келади: уни олиб ташлаш анча қийин бўлади.
Шунингдек, TikTok уйқу сифатини яхшилашга ёрдам берадиган медитация машқларини синаб кўрмоқда. Компания фикрига кўра, янги функциялар одамларга янада соғлом онлайн одатларни шакллантиришга ёрдам бериши керак.
Қўшимча қилинишича, янги функцияларга қўшимча равишда ёшни тасдиқлаш технологияларини такомиллаштиришда давом этмоқда. Ушбу иш доирасида, жумладан, 13 ёшдан кичик болалар иловадан фойдалана олмаслиги учун сунъий интеллект технологиялари қўлланилмоқда.
Изоҳ (0)