Бугунги кунда маркетплейслар энг тез ривожланаётган савдо каналларидан бири ҳисобланади. Фақатгина Ozon’нинг ўзида 56,5 миллион фаол харидор мавжуд бўлиб, бу рақам доимий равишда ўсиб бормоқда. Бироқ кўплаб янги бошловчилар потенциал мижозларни йўқотишга олиб келадиган муаммоларга дуч келади. Ушбу мақолада онлайн платформаларда муваффақиятли савдога тўсқинлик қиладиган асосий хатоларни ва уларни бартараф этиш йўлларини кўриб чиқамиз.
Бугунги кунда маркетплейсда хоҳлаган нарсани топиш мумкин. Мутлақо турли тоифадаги буюмларни битта саватга жойлаштириш, бир неча босиш билан буюртма бериш ва кейин ўзингизга қулай усулда олиш имконияти мавжуд. Айнан шу сабабли онлайн харид қилиш жуда оммалашган. Статистик маълумотларга кўра, Ozon фойдаланувчиси йилига ўртача 26 та буюртма беради.
Платформага кириш сотувчига мамлакат ичида ҳам, ундан ташқарида ҳам аудиторияни кенгайтириш имконини беради. Бироқ бошиданоқ асосий хатоларга йўл қўймаслик керак.
1. Маҳсулот ҳақида ахборот етарли эмас
Харидорлар товарларни хусусиятлари ва батафсил тавсифлари бўйича танлайди. Агар товар карточкасида ўлчам тури, муҳим параметрлар ёки ҳақиқий фотосуратлар бўлмаса, сотувчига бўлган ишонч пасаяди. Одамлар кўр-кўрона сотиб олишда таваккал қилишни хоҳламайди.
Қандай тузатиш керак?
Батафсил тавсифлар қўшинг, материалини, ўлчамларини, товар вазифасини ва ўзига хос хусусиятларини кўрсатинг. Ҳақиқий харидорларнинг фикрларини ва фойдаланиш усулларини акс эттирувчи расмларни киритиш фойдали бўлади. Ozon’да сотувчилар учун Билимлар базаси мавжуд бўлиб, унда товар карточкаларини тўлдириш бўйича тавсиялар жамланган.
2. Сифатсиз суратлар
Сифатсиз тасвирлар мижозларни чўчитади. Хира, қоронғи ва паст аниқликдаги суратлар эътиборсизлик ҳиссини уйғотади ва маҳсулот сифатига шубҳа туғдиради.
Қандай тузатиш керак?
Турли бурчаклардан олинган юқори аниқликдаги суратлардан фойдаланинг. Профессионал суратга олиш — бу буюртмалар сонининг ўсиши билан ўзини оқлайдиган сармоя. Шунингдек, видео шарҳлар буюртмалар сонини сезиларли даражада кўпайтиришга ёрдам беради.
3. Номувофиқ нарх ёки етказиб бериш нархи
Агар нарх рақобатчиларникидан юқори бўлса-ю, жиддий афзалликлар бўлмаса, харидор шунчаки арзонроқ вариантни танлайди. Аксинча, жуда паст нарх эса товар сифатига шубҳа уйғотиши мумкин.
Етказиб бериш нархининг юқорилиги харид қилишдан воз кечишнинг яна бир сабабидир. Ozon’да сотувчилар логистика билан ишлашнинг бир нечта усулларидан фойдаланишлари мумкин. FBO моделида сақлаш, қадоқлаш ва етказиб бериш учун платформанинг ўзи жавобгар ҳисобланади. ФБС ҳолатида сотувчи товарни маркетплейс омборига топширади, реалФБС да эса етказиб беришни мустақил равишда ташкил этади. Ozon орқали етказиб беришда харидор яширин харажатларсиз якуний нархни дарҳол кўрса, реалФБС ҳолатида ташиш нархи жуда юқори бўлиши мумкин — баъзан у товар нархининг учдан бирига етади.
Қандай тузатиш керак?
Рақобатчилар нархларини таҳлил қилинг ва таннархни ҳисобга олинг. Ozon’да “нархлаш стратегиялари” воситаси мавжуд бўлиб, у бозор шароитларига қараб нархни автоматик тарзда мослаштиришга ёрдам беради. Етказиб бериш учун ишончли хизматларни танланг ва мижозлар буюртмани олишнинг ўзлари учун энг қулай усулини танлашлари учун турли хил вариантларни таклиф этинг.
4. Шарҳлар йўқлиги, фикрларнинг эътиборсиз қолиши
Шарҳлар харид қилиш қарорига бевосита таъсир қилади. Агар сотувчи изоҳларга эътибор бермаса ва мижозларнинг муаммоларини ҳал қилмаса, унинг товарларига бўлган ишонч пасаяди ва қидирувдаги позициялари пасаяди.
Қандай тузатиш мумкин?
Фикрларни мунтазам текшириб туринг, мулоҳазаларга тезкор муносабат билдиринг, салбий фикр-мулоҳазалар билан ишланг. Қониққан мижозлардан ижобий баҳолар қолдиришни сўранг — фикр-мулоҳаза билдирилган маҳсулотлар топ қидирув натижаларига киради.
5. Мавсумийлик ва трендларни эътиборсиз қолдириш
Баъзи сотувчилар мавсумий акциялар, байрамлар ва трендларни ҳисобга олмасдан савдони ошириш имкониятини йўқотадилар. Масалан, Янги йил ёки 8 мартга қадар омбор ўз вақтида тўлдирилмаса, кўплаб потенциал харидорларни йўқотиши мумкин.
Қандай тузатиш керак?
Акцияларни олдиндан режалаштиринг, трендларни кузатиб боринг. Ozon’да оммабоп маҳсулотлар ва тоифаларни кўрсатадиган “трендлар” воситаси мавжуд. Бепул таҳлил харидоргир маҳсулотларни танлашга ёрдам беради, “харидор портрети” бўлими эса мақсадли аудиторияни чуқурроқ тушунишга кўмаклашади.
Ozon’даги савдо сифатли хизмат, тўғри маълумот ва бозор ўзгаришларига мослашиш қобилиятига боғлиқ. Маҳсулот саҳифалари устида ишланг, рақобатчиларни ўрганинг, шарҳларни кузатинг ва маркетинг воситаларидан фойдаланинг. Барча зарур билимларни Ozon Билимлар Базасидан ва Ozon Таълим платформасидан олиш мумкин, у ерда бепул курслар ва мутахассислар билан вебинарлар мавжуд.
Батафсил маълумот учун Ozon.Seller’да рўйхатдан ўтинг.
Реклама ҳуқуқи асосида.
Изоҳ (0)