ASUS компанияси Аnna Sui парфюмерия бренди билан ҳамкорликда хушбўй ҳид таратадиган ноодатий қурилма — Adolbook 14 Air номли янги ноутбукни ишлаб чиқди.
Ноутбук қопқоғининг марказий қисмига махсус дозатор ўрнатилган бўлиб, у гаджетга магнит ёрдамида ёпиштирилади, бу эса картриджларни алмаштиришда қийинчилик туғдирмайди.
Оч сиёҳранг тусда ишланган Adolbook 14 Air харид қилсангиз, қўшимча сифатида резаворлар, цитруслар ва атиргулларнинг хушбўй ҳидини таратувчи парфюмдан иборат дозатор, замонавий сичқонча, ноутбукни сақлаш учун сумка ва стикерлар берилади. Бундан ташқари, бир флакон Wishing Elf Parfume атири ҳам совға қилинади.
Adolbook 14 Air техник нуқтаи назардан ҳам яхши параметрларга эга. Ноутбук 2880х1800 пикселли ва 14 дюймли OLED панелга эга. Унинг аккумулятор қуввати 14 соат давомида тўхтовсиз видео томоша қилиш учун етарлидир. Ноутбук оператив хотираси 32 ГБ, доимий хотираси эса 1 терабайтни ташкил этади. Adolbook 14 Air’нинг нархи 6999 юан (тахминан 975 доллар).
Изоҳ (0)